Lalampan.com. 1444. Lalake’ se pon samangken daddi Leader tor Owner BC HNI Sumenep 2 e wilayah sumenep monggu produk produk HNI HPAI (Halal Network Internasional Herba Penawar Alwahida Indonesia). Produk-produk HNI paneka aropa’agi produk se agandhu’ herbal, cem-macemma produk sala settong epon enggi paneka kopi sevel (seven elemen, tujuh elemen, pettong elemen) se petto’ enggi paneka biji, akar, batang, kulit, daun, bunga, dan buah. Lalake’ paneka amolae ajuwal HNI sajjegga akulya e INSTIKA, lerres epon taon 2016.
Lalake’ paneka anyama Ach Faizi, babbar bakto petto’
Juni 1995 e Songennep, lerres epon disa Pakamban lao’, Kacamadan Paragaan, sabellun ngabber akadi
samangken, Faiz, sapaan akrabba, eajak kancana kaangguy noro’ seminar Kesehatan
HNI e Kantor IBI (Ikatan Bidan Indonesia). Molae gapaneka, aba’na maemo’
kalaban matabar Produk HNI monggu ca-kancana e kampus, ca-kanca organisasi,
masyarakat, kantos entar ka kompolan Muslimat tor jugan fatayat.
Maos jugan
- Final Indonesia V Thailand
- Gelar Peringatan Maulid Nabi
- WHO:Covid-19 dinyatakan berakhir
- Ke Lawi, Matadha’ Andhu’anna Dara
Bakto gi’ nganthang, lalake’se asakola dhari taman kanak-kana kantos madrasah aliyah e Pondok Pesantren Al-Ihsan 1A, tanto sajan takerjat, bakto oreng-oreng bannya’ se ta’ melle, oneng sakaleyan, sakompolan, lastare epatabari, sobung se melleya sakale, tanto kaceba tor mellas, aba’na apangrasa ebuwang tor tadha’ gunanana, etamba kabadha’an panas ngartang, tangngor madura, asababbagi ngalocor aeng mata ta’ ekarassa.
Aba’na ngoca’, banne Faiz cora’na se perna noro’
PSHT otaba noro’ PMII mon gun ngan reya gagal, burung, ambu’ gan dhinna’, bakto
gi’ lanjang, ora’ gi’ ngodha, lakar kodu abalangngaja. Aba’na lakar terro
onggu, sopaja bakto aba’na lulus dhari kampus (INSTIKA), aba’na la bisa narema
pangaselan se samporna. Tadha’ oreng se laju onggu. Badha level-level se kodu
elebadi. Bakto gapaneka, Faiz, nyoba’ ajuwalan se laen gallu, molae dhari
kalambi, farfum tor en-laen epon. Asabab polana ta’ gellem paju, aba’na sampe
nyoba’ bisnis asuransi, kosmetik tor laen epon.
Sanajjan ta’ ajuwalan HNI, aba’na daddi sopir epon
oreng raja, sopirra motivator HNI, dhari Banyuwangi, Sorbaja, Bangkalan, mela
dhari paneka aba’na jugan ekabareng ka Jakarta, apanggi sareng leader-leader sa
Indonesia, jugan apanggi sala settong pendiri HNI, se jugan aropa’agi anggota
DPR RI dhari PKS. Dhari paneka Faiz oneng ka PKS.
Maos jugan
- Mahbi Abine Pole
- Sakola’an Tombu Nyenna
- Sanja' Mat Toyu, Sora
- caRpan: Jalan Rosak
- Makanan Tradisional Madura
Lalake’ se perna daddi ketua PAC IPNU Paragaan e
taon 2018 paneka kantos samangken ampon daddi leader tor Owner BC HNI Sumenep 2
tor jugan maso’ dhalem calon anggota Dewan Perwakilan Rakyat Daerah Sumenep
dhari PKS.