Sanja' Irman Hermawan: Pangarep Taresna

 

Nyanye loka

 

Mangken ampon eghai’ sadaja nespa

Ngatongko’e sakobengnga sokma

 

Mabar se e taman e mata mangken tombu e ate

Sampe’ bula ta’ nyangka leburra mabar nyempen

loka se dhalem

 

Leggung, 2022

 

Nyanye Taresna

 

Ebbun mangken agi-panggi

Nyalemodi sadaja badan

 

Sampe’ bula ngarassa kacep e tengkana dika

Salaggi' nyaba ta’ nyengga dhari badan

Tore akompol mappolong odhi’ sareng bula

sokma tor raga se tacabbur dha’

songayya taresna  marga dhapa’a dha' atena

 

Legung, 2022

Maos jugan

• Carpan: Pelak
• Peribahasa Madura, Sanja' Kona
• Bis dari Madura langsung Yogyakarta
• Jejak Pejuang Kemerdekaan
• Konye’ Gunong Monggu Kerrong ka Omba’

 

Pangarep

 

Sanajjan bulan sareng bintang

Ajajar enga’ reng komantan

Sanajjan dhalem kathe

Amempe enga’ se ongguwan

Rassa bida alam; katon malathe

Se ekalong bula

 

Odhi’ sadaja pangarap

Nga’andhi' dika sampe’ mole bula ka se andhi’

 

Legung, 2022

 

Careta Loka

 

E bakto malem

dika acareta dha’ bula:

bungkana taresna mangken ngalotor sadaaja dhaunna

Pornama mancorong dha’ buwana jembar se maroka

 

Duh ka’emma bula se nemmowa tambana nespa

Ebbun ngellone panassa ate dhari oca’ se ta’ pasthe.

 

Legung, 2022

 

Salembar Sorat

 

E taretan Aliza

Dhalem nganggit okara ganeka

Mansen daddi sakse dha’ salembar buku

 

Sebab tadha’  kiyasan otaba perhiasan se esambi kalaban bula.

Tape kembangnga rassa mekkar daddi taresna

 

E bibirra dika ta’ laen andhang se ngenom mesem, e nge’-langnge’na taresna akalambi malathe se socce.

 

Dhalem tale pangarep moga bisa ajajar daddi bulan laban bintang ngocernang dalam petteng.

 

Legung, 2022

Maos jugan

• Carpan: Koceng Celleng
• PERIBAHASA MADURA
• Soal Bahasa Madura Kellas 2 SMP MTs
• Panggung Komedi di Indonesia
• resensi: Mertè Bhâsa Lèbât Karya Sastra

 

Mempe

 

Jul-anjulan parao mempe dhalem pekker

dika teba nappor sadaja seppe

bukong se nyenga’ dha’ bungkana taresna ngalotar sadaja nespa

moga dika ta’ dhatengnga gun e mempe dhalem nyata apolonga

 

Legung, 2022

IrmanHermawan. Laher e Legung Temor, 15 Oktober 2003. Mangken nettep e kampong Sabu e dhisa Legung Temor, Tang-batang, Songenep. Sanja’na emuat bannya’ media.