Long e Malem Tellasan
lalampan.com. 1444. Tellasan Ramellan taon mangken teppa' are satto, (22 04 2023). Namong takbiran biyasana pajat emolae dhari malem tellasan. Banne coma e masjid se takbir, mushallah, langgar (surau) jugan atakbir.
Tandhana tellasan Ramellan banne coma etandhai kalaban badhana hilal, jugan takbiran, tor jugan leddu'na long (petasan). Long otaba petasan, taon mangken bannya' bacemma. Molae se kene' kantos se raja, tor jugan bannya' se agabay dibi' tor jugan belliyan.
Maos jugan
bannya' pajat se lebur ka long, ka monyena long, sanajjan bannya' jugan se takerjat bila tasambu' ka monyena long. Badha se neggu'/ nopoe kopeng sopaja ta' palengpengen bila ngeding monyena long.
Badha jugan se ecapo' babajana long. Barempa se tapongkor ampon merre roma, se ka'dhimma roma kasebbut sampe gujur asabab badha leddu'na bahan peledak long. Taon-taon sabellunna jugan bannya' se merre ka tanangnga, jugan merre ka badanna se laen, namong paggun badha se melle long, agabay long.
e malem takbiran bannya' jugan se apawai kalaban nompa' pikep, mowa' sound system, kalaban atakbir, badha jugan se bu-tabbuwan thong-thong. Genna'. Perak. Bunga. Nompa sakaleyan. Dhalem paneka jugan badha se nyolet long. Long se epaburu tor leddu' ka attas.
Manabi lamba'/sabban. Oreng atakbir lakar etabbuwi guba (beduk), samengkenna ampon kare sakone' masjid se badha gubana. Biyasana aoba gan sakone' lakar.
Tags
TAMBUL