Abanta
les-tolesan. Bi-lebbi reng-oreng se lebur noles. Samangken cora' la rangrang
manggi. Sakone' dhari aebuwan banta se cer-kalacer pas abujud daddi tolesan. Ja'
toro' tolesan ka’dhinto aropa'agi jalan ka'angguy kalanggengan. Ba' baramma'a kerana
naleka lamba', gi' jaman kona, e bakto se la kalebat, sadhaja ulama', ahli
tokang mekker, reng-oreng se ahli ilmu, pas ta' lebur noles. Pas ta' kasokan
noles sadhaja ide ban gagasan epon, yaktena are mangken kaodhi'anna manossa ta'
bakal nemmo ra-ara. Posang ta' nemmo pateggu'an. Ban bakal terros petteng margana
tadha' se bisa emotla'. Hal ka’dhinto nandha'agi ja' tolesan, bisa noles ka’dhinto
penting.
Pramela
dhari paneka e dhalem zaman se ta' bannya' dad-ngodhadan lebur ka dunia
literasi, khusussa urusan les-noles, ka’dhinto badha sala settong komunitas
literasi se terbi' ban eladinin kalaban dad-ngodhadan disa. Tor samangken ampon
alahirragi buku se e dhalemma tantona aesse tolesanna dad-ngodhadan ban pan-barampan
moret se badha e sakobeng kacamadan Rubaru. Hal ka’dhinto aropa'agi settong kabunga'an
se kodu esokkore areng-bareng kalaban patang saleng rabat ban dukung sopaja'a
terrossa tombu generasi emas se kadi ka’dhinto. Aponapa ma' kodhu saka’dhinto?
Maos jugan
- Oca’ Bakal dhalem Basa Madura
- Bulan Gerring Pesse Panas
- Konye’ Gunong Monggu Kerrong ka Omba’
- SUNDAY KILLER
- Lukisan Musim Lalu
Abanta
Kacamadan Rubaru, ka’dhinto aropa kacamadan se e dhalemma badha sabellas disa.
Ban dhari sabellas disa ka'dhissa' bannya' sakale sakola'an-sakola'an se epaddek.
Sampe' badha'an se sadisa ka’dhinto badha tello' sampe' empa' sakola'an kalaban
jenjang se padha. Artena manabi emot ka pembangunan tor gedung sakola'an,
Kacamadan Rubaru pon alhamdulillah bannya'. Coma petanya se saterros epon, ba'
kadinapa kalaban essena? Ba' amponna alahirragi ret-moret se bakal daddiya jimatta
bangsa? Ban ba' amponna bendher daddi sakola'an se e dhalemma aesse ban possa'
kalaban elmo pangaonengan? Mangken dhimen. Ngereng padha talese' areng-bareng.
Menorot
dhari pan-barampan somber se aba' toles, Rubaru laggi' jau dhari SDM (khusussa
dad-ngodhadanna) se unggul, otama epon e dhalem bidang literasi. Ja' toro',
sala settong kor-okor se paleng utama e dhalem hal pendidikan, enggi ka’dhinto
melek literasi. Ka’dhinto kuncina. Artena manabi ngoladi ka bannya'na sakola'an
se badha e Kacamadan Rubaru, estona ampon patot ja' ret-moredda asaeng tor
unggul e dhalem ilmu pengetahuan. Motivasi ka'angguy asakola ka’dhinto kodu oba.
Banne pole cokop kenceng maso' ban kenceng asaragam. Tape baramma cara,
sakola'an ka’dhinto ampon berkompetisi ka'angguy jung-ejjungan alahirragi ret-moret
se unggul dhalem hal ilmu pengetahuan.
Margana laen ban daerah se gi' buru badha'a sakola'an, ban masyarakatta gi'
awam kabbi, yaktena gi' pendha patot naleka motivasi ka'angguy asakola enggi ka’dhinto
poko' gellem maso' ban gellem asaragam.
Kalaban
badhana komunitas se gase' adin-ladinen e bidang literasi, enggi ka’dhinto
Komunitas Gai' Bintang (KGB), tantona parlo edukung, napa pole kalaban badhana
KGB ka’dhinto ampon jellas, arako' ban aladin ret-moret se badha e sakola'an e
Kacamadan Rubaru. Sala settong bukte konjkrit epon kalaban lahirra buku
antologi bersama se abul-ombul Anak Desa
Menulis, Ragam Kisah Inspiratif
Pengalaman Menulis Generasi Bintang. Tantona hal ka’dhinto ta' gempang, buto
kaparetan se kodu ka'angguy ngajak ban aladin ret-moret ka'angguy bisa noles saengga
abujud buku antologi ka’dhinto. Pramela dhari paneka dha' sadaja papanggu disa
ban kacamadan, para guru, para seppo, tor sadaja elemen se gi' sadar ja'
pendidikan ka’dhinto sanget penting, ngereng padha saleng onjuk saengga
generasi Rubaru bisa terwujud kalaban se ampon ekamempe KGB, enggi ka’dhinto
ngaredhap kadiya bintang e langnge' basnang.
Maos jugan
- Serradan Epon Ach Jazuli
- Warung Kopi Dan Kisah Yang Belum Usai
- Ngaronge Sagara Madura
- Lanceng Talpos Ban Salbut
- Bismillah, Mudik, Lebaran
Se
keng-bingkeng, abdina menangka dad-ngodhadan se asli lahir e bumi Rubaru,
ngatore poji selamet kalaban lahirra buku antologi
bersama se abul-ombul Anak Desa
Menulis, Ragam Kisah Inspiratif Pengalaman Menulis Generasi Bintang se
ampon eseppoe sareng ca-kanca KGB. Samoga terrossa ta' sen-busen se aladin dad-ngodhadan
Rubaru saengga bisa melek literasi ban
bisa daddi jimatta bangsa tor mastekana agama. Rubaru ampon ta' kakorangan
sakola'an, coma parlo ekarembak pole baramma sakola'an gella' bisa matombu SDM
se cakap, unggul, tor berdaya saing e
dhalem bidang ilmu pengetahuan.
*Ach. Jazuli. Penulis Buku Kisah Hujan yang Lain