Lalampan.com—1447. Pidato Bahasa Madura|| Paramasastra|| Teks
pidato berbahasa Madura ini disusun untuk mendukung upaya pelestarian Bahasa
Madura di kalangan generasi muda, khususnya di lingkungan Lembaga Pendidikan.
Dengan berbagai macam tema setiap teksnya, pidato ini dapat dijadikan contoh
sambutan atau materi latihan berbicara di depan umum menggunakan Bahasa Madura.
Naskah ini dikumpulkan dari seluruh peserta FTBI Kabupaten Sumenep Tingkat SMP
(Negeri/Swasta).
Semoga teks pidato ini bermanfaat bagi guru, siswa, maupun
masyarakat umum yang ingin mempraktikkan pidato Bahasa Madura untuk acara
sekolah, lomba pidato, atau kegiatan kebudayaan lainnya || Redaksi Lalampan.com
KAMARDIKA'AN
Assalamu'alaikum wa rahmatullahi wa barakaatuh
Innal hamda lillâh. Nahmaduhû wa nasta'îenuhû, wa
nastaghfiruh, wa na'ûdzubillahi min syurûri anfusinâ wa sayyi'âti a'mâlinâ. Man
yahdihillâhu falâ mudhilla lah, wa man yudhlil falâ hâdiya lah. Asyhadu an lâ
ilâha illallâh, wahdahu lâ syarîka lah. Wa asyhadu anna Muhammadan 'abduhû wa rasûluh.
Amma ba'du:
Asareng sadaja kahormadan, semba songkem abdi dalem. Kaatora
songkem pangabakte, malar moga ta' cokba'a, malar moga tettep kaatora dha' para
ulama' tor umaro', se kaonang penter socce menangka kaca kebbang monggu
magarsare.
Kong-langkong saleraepon se molja para juri. Ta' kalep jugan,
malar moga para rabu, sadaja anom, hadirin-hadirot se padha alonggu jimet
parjuga, kengenga syafaatt-epon Kanjeng Nabbi Mohammad SAW.
Sabab badan kaula sadaja ka'dhinto buwa celo', ta' bu-ambu
ngalecer ngarep lepor inayah tor hidayah-epon Guste Allah, se amorba alam,
amorba jagat. Engga paneka tanto, gedda' badan ka'dhinto parlo lebat, ngaolle
petolong epon Ibnu Abdillah, Mohammad, cajaepon alam kaodhi'an, se ampon
ngonjuk Iman tor Islam.
Allahumma shalli 'ala Muhammad ....
Dhalem kasempadan are samangken ka'dhinto, badan kaula, badhi
ngatorragiya peyatoran ngengenge are kamardika'an Indonesia se omorra ampon 79
taon (2024). Indonesia Mardika ta' lopot dari juang bangaseppo e jaman dhimen.
Saenggana e tanggal 17 Agustus 1945, Ir. Soekarno sareng Moh. Hatta
memproklamasikan kamardikaan Indonesia.
Saterrossepon Parlo ekaemodi semboyan nagara enggi ka'dhinto
Bhinneka Tunggal Ika, paggun daddi panutan sareng se bakal dhateng. Ngatore
para rabu ngaonenenge jasa pahlawan se sukses ngaterragi kamardikaan Nagara
Republik Indonesia, saenggana badan kaula sadaja sareng para rabu leppas dhari
jaja’an Balanda se ce’ nyeksa tor manyangsara. Alhamdulillah, Samangken sareng
saterrossa badan kaula, para rabu sadaja ampon odhi' jumantrem.
Para rabu, taretan, hadirin-hadirot ba' enga'a, kadiponapa
caretana bangseppo badan kaula sadaja, dhimen, nalekana aperrang ngoja Neppon
tor Balanda?
Romusa!d
Sabban are ate rekong ngabas pate
Sabban are aba'na alako tape ta' olle pan-ponapan
Nompa bigina pestol
Dharana taretan agalijiran e seddi'an
Allahu Akbar, coma Allah se bisa nolong
Gun Allah se bisa makalowar ngoja kasossa'an
Rama Ebu acareta, kadiponapa juju'na lamba' nagenne sake'
tabu' se kepa', nase' tadha' nase', gunna orap bungkana kates, komak, lorkong
ban un-dhaunan se bisa edha'ar
Dhalem kabadha'an tabu' ganjel bliker, aba'na terros epalako
kalaban paksa
Allahu... Romusa! Romusa!
Ora' dhara daddi en-maenanna Neppon tor Balanda!
Saka'dhinto, kantos teba are tera' kamardika'an
Alhamdulillah badan kaula sadaja nyo'on dha' Guste Allah SWT.
Saengghana kamardikaan paneka bisa kantos erassa'agi saterrossa. Amiin
Allahhumma Amiin Allahumma shalli 'ala Muhammad!
Kerana cokop saka'dhinto, malar moga maske sakone', badha'a
manfaadda, megunane monggu badan kaula sadaja kaangguy noro' nyombang bangon:
Indonesia jaja, bajjra tor rajja kantos budhi are. Amin allahumma, Amiin..
Sabellunnepon panotop, manabi badha ator se ta' sae, badan
kaula nyo'on sapora se tadha' batessepon.
Wabillahi taufik wal hidayah, tsummassalamu 'alaikum wa
rahmatullahi wa barikaatuh.
