Seluruh konten di Lalampan.com terbuka untuk dibaca,
dipelajari, dan dimanfaatkan sebagaimana mestinya.
Jika tulisan-tulisan di ruang ini dirasa bermanfaat,
panjennengan dapat ikut Arokat Lalampan melalui sedekah seikhlasnya—secangkir
kopi, 3K, atau doa terbaik. Dukungan kecil panjennengan membantu kami terus
merawat bahasa, sastra, dan jejak budaya Madura. (Dana: 0819-0807-1122 &
BRI: 3838-01-008754-53-2)
Mardika Ballung
Polo Settong Taon
Anggitan: Achunk
Maloloh
Pangrasana
aba' abit onggu
Bangsa
ban nagara se mardika
Ampon
dhapa' ka omor ballung polo settong taon
Dhari
Pak Karno ban Pak Hatta se Proklamasi
Paperrangan
banne ampon epaakher
Paperrangan
kodu epateros sampe jaman akher
Aperrang
alaban kebudhuwanna aba' dibi'
Aperrang
alaban oreng-oreng se korupsi
Indonesia
ampon ballung polo settong taon
Mardika
dhari beddhil-beddhil Balanda ban Jeppang
Se
aperrang lamba' agandhu' pangaterro
Na'
poto, bangsa, ban nagara mardika saterrossa
Mardika
ballung polo settong taon
Banne
gun aesse careta se ta' bagus
Banne
gun aesse lalakon se juba'
Banne
gun aesse bannya' essena penjara
Mardika
ballung polo settong taon
Kaula
ajunan sadaja towa ngodha
Agandhu'
amanat kaangguy mamaju Indonesia
Banne
sabalik epon arosak Indonesia
Lenteng,
20 Juli 2026
Kacong,
Cebbing, ban Mempe
Anggitan:
Achunk Maloloh
Oca'na
reng-oreng, mempe buwana tedhung
Sanajjan
mempe badha dhuwa' macem
Mempe
nyaman, tedhung cora'na korang lanjang
Mempe
ta' nyaman, tedhung arassa etompa' ap-sa'ap
Cong,
ba'na kodu andhi' mempe se bagus
Kodu
bangal amempe se raja
Sabab,
mempe rowa padhana pangaterro
Pangaterrona
aba' bila la dibasa
Bing,
ba'na keya ta' osa todhus ban tako'
Kodu
andhi' ban bangal amempe raja keya
Takdir
se pagi' ta' nampek lake' bine'na
Sakabbi'na
padha bakal dhapa' ka masa akher
Kacong
ban Cebbhing
Mara
papadha bajeng
Bajeng
ajjar
Bajeng
ngaji
Mara
ja' lako tedhung
Ja'
lako tatandhung
Mempe
reya ekarjai
Mempe
reya kaniat ban balangngajai
Lenteng,
20 Juli 2026
*Achunk
Maloloh aropa’agi guru Basa Madura neng SDN e Lenteng.