Pidato Bahasa Madura|| Paramasastra|| Teks pidato berbahasa
Madura ini disusun untuk mendukung upaya pelestarian Bahasa Madura di kalangan
generasi muda, khususnya di lingkungan Lembaga Pendidikan. Dengan tema “Arabat
tor Malangggeng Basa Madura”, pidato ini dapat dijadikan contoh sambutan atau
materi latihan berbicara di depan umum menggunakan Bahasa Madura. Naskah ini
dikumpulkan dari seluruh peserta FTBI Kabupaten Sumenep Tingkat SMP
(Negeri/Swasta).
Semoga teks pidato ini bermanfaat bagi guru, siswa, maupun
masyarakat umum yang ingin mempraktikkan pidato Bahasa Madura untuk acara
sekolah, lomba pidato, atau kegiatan kebudayaan lainnya || Redaksi Lalampan.com
Assalamualaikum wr wb
Alhamdulillahirobbil alamin wabihi nasta'enu ala umurid Dunya
waddin wassholatu wassalamu ala asyrofil anbiyai wal Mursalin sayyidina
Muhammadin wa ala ahlihi wa sohbihi ajma'en amma ba'du.
Saleraepon semolja dewan juri
Kaonjuga saleraepon para guru .....Para Rabu Se same-same
emoljaagi Allah.
Kabidan pamator, ngereng areng-sareng ngatoragi pojji syokkor Alhamdulillahirobbil
alamin dha' ajunannepon Allah Se amorba jagat.
Sholawat sareng salam samoga'a tettep eatoragi dha' ajunan se
molja Nabi Muhammad SAW, Se kaonang ate tenang, kaponjuk sadaja ummat tor se
ampon andaddiyagi obur sareng kaca kebbang dha' kaula sadaja e dunnya kantos aherat.
Para hadirin Se emoljaagi Allah
Sakone' kaula maemot dha' ajunan sadaja ja' basa Madura
ka'dhinto ampon on-laon elang dhari oca' re-sa’are, husussepon neng Kottha
Songennep. Aponapa ma' ekoca'agi elang on-laon? Amarga ampon bannya' na'-kana'
ngongodhadan se arassa todhus aguna'agi basa Madura. Bannya' oreng seppo se
ampon ngajari potrana basa Inggris, basa Jerman ban laennepon, ta' sakone'
potra-potre Madura se epatoman abasa Indonesia, la-mala ampon ekabidi dhari na'-kana'
TK.
Para Rabu se same molja
Ponapa se bisa e kalampa badan kaula sadaja menangka
ngangodhadan potra potre Madura, kong-langkong e Bume Songenep? Enggi ka'
dhinto........wajib ka angguy arabat basa ebu tor bangaseppo se ampon para' tadha'a
katopowan sareng basa se dhari lowar, basa se kasambat gaul tor samacemmepon.
Kadinapa carana arabat basa sopaja songennep tettep kalonta kottha paleng temor
se gadhuwan basa karaton? Ngereng kabidi baja samangken, areng-sareng gadhuwan
niyat ikhlas kaangguy merte tor gumate dhalem malangggeng tor masekken basa
Madura.
Menorot pamanggi badan kaula enggi ka'dhinto bada tello'
tareka se kodhu epeyara tor epatombu nojju bagussa kabadha'an magarsare se
bakal dhateng se akor sareng ngajum bangsa matombu basa;
Settong; nyara pabinareng, ngobbar gumate para muret sopaja
ajar basa Madura se lerres. Same-same alampa'agi ondhagga basa se ampon akor
sareng atoran. Se ebukteyagi kalaban abadi kasaroju'an e sakolaan sopaja dhalem
6 are pangajaran kodhu aguna'agi basa Madura.
Se kapeng dhuwa'; Lampane tamba’an pangajaran husussepon ondhagga
basa. Kadinapa estona aguna’agi basa enja' iya, enggi enten tor enggi bunten se
lerres.
Se kapeng tello' enggi ka'dhinto; Ngereng para rabu.......molae
dhari aba' dibi', guna'agi basa Madura e compo' bang-sebangnga, pabiyasa tor
mator kalaban basa Madura, ka potra/potre, ka oreng seppo tor tatangga. Kantos
basa Madura ka'dhinto kapereng terros e antarana basa-basa manca.
InsyaAllah manabi badan kaula sareng ajunan sadaja tor potra-potre
songennep gaduwan niyat se juntrong ka angguy arabat tor malangggeng basa
Madura kalaban ngarobudi ajar basa Madura se sae, e bingkeng are basa Madura
bakal tettep daddi basa Ebu se ta' bakal elang sampe' aher jaman. Paleng bunten
song-osong lombung, areng-sareng nyo'on Lella, petodu, kakowadan tor kalodangan
dhari Allah se Maha Pangaraksą kantos basa Madura daddi basa Internasional.
Para Rabu se same molja
Saka'dhinto pamator, manabi badha okara ator se korang sonduk
monggu panggalian, pola tengka se janggal kaoladan, kaula ngatoragi nyo'ona
sapora se tadha' batessepon.
Ahirul kalam Wassalamualaikum wr wb.
