Pidato Bahasa Madura|| Paramasastra|| Teks pidato berbahasa
Madura ini disusun untuk mendukung upaya pelestarian Bahasa Madura di kalangan
generasi muda, khususnya di lingkungan Lembaga Pendidikan. Dengan berbagai
macam tema setiap teksnya, pidato ini dapat dijadikan contoh sambutan atau
materi latihan berbicara di depan umum menggunakan Bahasa Madura. Naskah ini
dikumpulkan dari seluruh peserta FTBI Kabupaten Sumenep Tingkat SMP
(Negeri/Swasta).
Semoga teks pidato ini bermanfaat bagi guru, siswa, maupun
masyarakat umum yang ingin mempraktikkan pidato Bahasa Madura untuk acara
sekolah, lomba pidato, atau kegiatan kebudayaan lainnya || Redaksi Lalampan.com
Kamardika'an(Are babar epon Kanardika'an Republik Indonesia)
Assalamualaikum, Wr. Wb.
Bismillahirrahmanirrahim, alhamdulillahirabbill alamin,
waassalatuwassalah muala asrafil ambiya iwal mursalin, waala alihi wasah bihi
ajmain, rabbis rahli sadri wa yassirli amri wahlul u'datan min lisani yefkahu
kauli, amma ba'du.
Kaonjuga dha' Salerana semolja
Para sasemba'an, para seppo tor anom se badan kaula amolja'agi!
Salerana se molja ! Bapa' tor ebu guru se kaoladan jumambar
dhalem salera!
Kong-langkong salerana se molja para juri se badan kaula
amolja'agi!
Rassa aba' ta' bisa nganggit okara kaangguy morak essena dhadha,
bunga dhalem raga tadha' padah amarga papareng ne’mat se eteba'agi dha' badan
kaula sareng panjennengan sadaja, saengga badan kaula sareng para ajunan sadaja
bisa alonggu ekennengan ka'dhinto dhalem kabadha'an sehat, sepa', jimet jatmeka
tor kaoladan same jumambar dhalem salera, ngereng areng-sareng badan kaula
sareng panjennengan sadaja ngonjugagi poji sokkor dha' ajunan Allah Se Maha Agung.
Sholawat tor salam moga tetteb kapondhiya monggu Nabi se Agung
Nabi Muhammad SAW se ampon abakta badan kaula sadaja dhari jaman kabudhuwan
nojju dha' jaman se tera' tar-kataran, malar moga badan kaula sareng
panjennengan sadaja padha'a kengenga safa’at ila yaumil kiyamah aaminn ya
rabbal alamin.
Para Rabu se same molja !
Are mangken lerres tanggal 17 Agustus taon 2024 badan kaula
sadaja pada marengeddi "Are Babar epon Kamardika'an Republik
Indonesia" akadi same se ampon arassa'agi ja' saongguna Kamardika'an
aropa'agi are se ka'dhimma sadaja barga Indonesia padha ngemodi jasa-jasa
pahlawan se ampon arebbu' kamardika'an.
Pong-pong padha gi' kana' pabajeng se nyare elmo. Elmo
aropa'agi obur sareng kodhali dalem kaodhi'an manossa, sebisa nera'e tor
ngodhali, nonton kamoddhi kaangguy merte kabunga'an se samporna e dunnya kantos
akherat.
Para Rabu se same parjuga
Asareng binareng lampaepon Are Babar epon Kamardika'an
Republik Indonesia ka'dhinto ta' parlo abaris elapangan bisaos namong se parlo
enggi paneka nerrossagi lalampa'an epon "Bapak Pendidikan Nasional"
kaangguy mapenter kaodhi'an epon bangsa, akadi mabadha tor ajaran agalimpo' se
madaddi penterra badan kaula sadaja, nombuwagi ahlak se sae, ngorange dhat-ngodhadan
se nakal, saenggana bisa apeguna dha' nagara, bangsa tor agama.
Ajunan sadaja se kaoladan same jembar dhalem salera!
Para Ajunan se same molja!
se paleng otama enggi ka'dinto ngereng kamardika'an paneka
esse'e kalaban nyare tor nemba elmo, terros tor terros kaangguy aba', sopaja
dhat-ngodhadan saat mangken bisa tor mampo asaeng e jaman mangken.
Saka'dhinto pidato badan kaula, moga daddiya peguna sareng
manfaat kong-langkong monggu aba' badan kaula. Salekor banne dhupoloh, mon
settong tantona juara, manabi badha pamator se kalero ta' langkong nyo'ona
sapora
Mardika........Mardika........Mardika........
Wabillahi taufik walhidayah
Wassalamualaikum wr wb
