Pidato Bahasa Madura|| Paramasastra|| Teks pidato berbahasa
Madura ini disusun untuk mendukung upaya pelestarian Bahasa Madura di kalangan
generasi muda, khususnya di lingkungan Lembaga Pendidikan. Dengan berbagai
macam tema setiap teksnya, pidato ini dapat dijadikan contoh sambutan atau
materi latihan berbicara di depan umum menggunakan Bahasa Madura. Naskah ini
dikumpulkan dari seluruh peserta FTBI Kabupaten Sumenep Tingkat SMP
(Negeri/Swasta).
Semoga teks pidato ini bermanfaat bagi guru, siswa, maupun
masyarakat umum yang ingin mempraktikkan pidato Bahasa Madura untuk acara
sekolah, lomba pidato, atau kegiatan kebudayaan lainnya || Redaksi Lalampan.com
الحمد لله رب العالمين
والصلاة والسلام على اشرف المرسلين نبينا وحبيبنا محمد وعلى
اله وصحبه اجمعين ومن تبعهم بإحسان إلى يوم الدين ، اما بعد
Se molja para alem tor olama' para guru, para seppo se kaonang
penter, socce buddhi tenggi,
aji larang kabbi monjung Se badan kaula amoljaagi sadaja juri tor sadaja guru
se abdina moljaagi. Tak lopot jugan dha' sadaja para rabu epon se same molja
tor parjuga.
1. ngereng same-same ngonjuggagi poji sokkor monggu Allah SWT,
pangeran se Maha Sogi
tor Maha Ator, se ampon apareng ni’mat dha' badan kaula sareng ajunan sadaja ni’mat
se ta’ bisa kabitong ta’ laen paneka ni’mat dhari Se Maha Settong.
2. Sholawat tor salam ngereng same-same ngatoragi monggu guste
Kanjeng Nabi Muhammad SAW. Minangka nabi tor rosul mostekana alam, ajaranna
tera' nerrange sadaja Alam enggi ka'dhinto ajaran agama islam.
Alhamdulillahirobbil 'alamiin abdina bisa ngereng lomba
ka'dintoh, abdinah ajumennengagi pidato enggi kadhintoh "Arte dhari Kamardikaan".
Mardika banne coma sakadar locot dhari panjaja jepang otabae pon Belanda. Namong
mardika jugan ngagunge arte bisa ngator nasibba dibi', se dhalem hal ka'dhinto
aropa’agi hak sabban oreng tor bangsa kaangguy odhi' mardika, adil, tentram,
tor senneng.
Mardika enggi paneka apareng kabebasan dha’ abdina sareng
ajunan sadaja aropa bebas mator pamanggi otaba epon pendapat, tor same-same ngereng
atatolong dha' Masyarakat tor nagara.
E bakto mangken bannya’ orang ngarteyagi kalero arte mardieka,
otama epon dhalem ngarteyagi arte bebas apendapat, bannya’ oreng aguna’agi
kalemat bebas apendapat namong egunaagi kaangguy nyale tor aba'-juba’agi oreng,
ngarteyagi bebas apendapat kaangguy aba'-juba’agi ulama' pamarenta, tor
president. Nauzubillah tsumma Na'uzubillah. Allah adhabu e dhalem ayat socce Al-quran:
يَا أَيُّهَا الَّذِينَ آمَنُوا أَطِيعُوا اللهَ وَأَطِيعُوا الرَّسُولَ وَأُولِي الْأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللهِ وَالرَّسُولِ إِن كُنتُمْ تُؤْمِنُونَ
بِاللَّهِ وَالْيَوْمِ الْآخِرِ ذَلِكَ خَيْرٌ وَأَحْسَنُ تَأْوِيلاً ﴾
Arte epon:
Hei oreng-oreng se iman dha' Allah ta'ata (taat) sampeyan dha’
Allah sareng Rosul, tor dha’ ka pemimpin sampeyan, manabi sampeyan ngagungi bida
pendapat tentang settong perkara, maka abaliya sampeyan dha’ Allah tor Rosul
manabi sampeyan onggu parcaja dha’ ka Allah tor are Keyamat, saoguna ganeka
lebbi bagus akibadda neng e dunnya tor akherat. (Annisa' ayat 59).
Dhari ayat Al-Qur'an ka'dhintoh, ngereng arte’e mardika kalaban
kalemat kajembaran tor ta’ ngarteyagi kalaban kalemat kajuba’an. Samoga abdina
sareng ajunan sadaja ta’ kalero e dhalem ngarteyagi kamardikaan.
Saka'dhinto pidato abdina ngatoragi, Manabi badha se kalero
nyo’on sapora, abdina maussa biasa ta’ lopot dhari kakalerowan tor dusa. Sadaja
kasapornaan kaagunganna Allah SWT.
Wallahul Muwafiq Ila Aqwamitthoriq Wassalamu'alaikum Warohmatullahi Wabarokatuh.
