Lalampan.com—1447. Pidato Bahasa Madura|| Paramasastra|| Teks
pidato berbahasa Madura ini disusun untuk mendukung upaya pelestarian Bahasa
Madura di kalangan generasi muda, khususnya di lingkungan Lembaga Pendidikan.
Dengan berbagai macam tema setiap teksnya, pidato ini dapat dijadikan contoh
sambutan atau materi latihan berbicara di depan umum menggunakan Bahasa Madura.
Naskah ini dikumpulkan dari seluruh peserta FTBI Kabupaten Sumenep Tingkat SMP
(Negeri/Swasta).
Semoga teks pidato ini bermanfaat bagi guru, siswa, maupun
masyarakat umum yang ingin mempraktikkan pidato Bahasa Madura untuk acara
sekolah, lomba pidato, atau kegiatan kebudayaan lainnya || Redaksi Lalampan.com
Assalamu'alaikum Warohmatuwwahi Wabaro kaatuh
Bismillahirrahmaanirrohiim.... Alahamdulillaahi Robbil
'aalamiin Assholaatu Wassalaamu 'Ala Asyrofil Anbiya'I Wal Mursaliin Sayyidina
Muhammadin Wa'alaa Aalihii Washohbihi Ajma'iin. Ammaa Ba'du.
Ka atora dha' se molja Alem Olama sadaja Dewan juri, tor para
rabu sadaja se ngereng partengka e are samangken se badan kaula amolja'agi. Ngabidi
pamator badan kaula ngonjuggagi pamoji sareng sokkor dha' ajunan epon Guste Allah
atas sadaja ne'mat tor kabellasan epon, badan kaula sadaja bisa agin-panggin e kennengngan
ka' dhinto se Insya Allah possa' kalaban baroka tor ridho epon Allah Ta'ala saenggana
e bakto are samangken badan kaula sadaja dhalem kabadha'an kaganjaran baras
salamet tor jembar panggelliyen e dhalem lampa lomba pidato kamardikaan.
Ngereng badan kaula sadaja ta' cokba-cokba ka angguy
ngojuggagi sholawat tor salam dha' Ajunan Guste Kanjeng Nabi Muhammad
Sollallahu Alaihi Wasallam, sopaja e dunnya kantos e akherat tep-tep kengeng
syafa'at epon Rosulullahi Shollallahu Alaihi Wasallam.
Ngereng badan kaula sadaja maos sholawat areng-sareng..... ( Sholawat
)
Para rabu tor sadaja Dewan Juri se same molja
Korang langkong pan-sanapan bulan se tapongkor bangsa
Indonesia ampon marengeddi are Kamardikaan Republik Indonesia se kapeng 79
taon, lerres e are sabat tanggal 17 Agustus 2024 se ampon kalampan kalaban
samporna.
E dhalem kasempatan ka' dhinto badan kaula badhi ajarba'agi....
"LALAMPAN MORET-MORET E DHALEM NGESSE'E KAMARDIKAAN
"
Para rabu tor sadaja Dewan Juri se same molja Sa'at samangken
badan kaula sadaja paneka ngemban pakon se sanget berra' enggi paneka majaga
otaba matombu ngen-angen badan kaula sadaja ka angghuy mabajeng ajar nojju dha'
se bakto katengka ka angghuy kengeng rida'epon Allah SWT.
Menangka pangobbar brenteng tor kamajuan se bakal dhateng.
Ngereng badan kaula sadaja menangka moret kodu aromasa wajib ka angguy ngereng
lalampan dhalem ngesse'e Kamardikaan Indonesia kalaban cem-macem cara badan
kaula sadaja. Sala settongnga enggi paneka kalaban ajar pabajeng sopaja kengeng
panonjul se cokop magumbira tor maro'om Bangsa tor Negara Indonesia. Salaen
dhari ngapaneka nyare elmo monggu badan kaula sadaja ampon ewajibbagi sareng
agama.
Dhabuna kanjeng Nabi Muhammad SAW...." Tholabul elmi
faridhaotun 'ala kulli muslimin wa muslimatin ". Nyare elmo paneka wajib
dha' sadaja oreng islam lalake' sareng sadaja oreng islam babine'.
Para rabu tor sadaja Dewan Juri se same molja
Parlo ekagali manabi dhimen para panonggul kasatreya arebbu'
kamardikaan kalaban tarowan nyaba, tape samangken badan kaula sadaja namong
eyarep ajar pabajeng menangka cara ngereng lalampan ka angguy ngesse'e
Kamardikaan Republik Indonesia.
Ngereng badan kaula sadaja wajib nyokkore kamardikaan amarga
ekhteyar sareng parjuangan sadaja panonggul kasatreya se ka angguy mamardika
bangsa Indonesia ampon badha asal epon. Ka angguy nyepta kabadha'an se aman
ma'mor samporna tor baroka ngereng badan kaula sadaja enggalla mateppa' aba'
kalaban tatakrama se sae dha' sadaja bangsa seppo tor guru-guru badan kaula
sadaja.
Para rabu tor sadaja Dewan Juri se same molja
Saka'dhinto bisaos se bisa badan kaula atorragi e dhalem
kasempatan ssat samangken, Dirgahayu Republik Indonesia se kapeng 79 (bisa
egante sabban) taon. Bangsa Indonesia ka'agunganna panjennengan sadaja, ngereng
areng-sareng saleng gutong-rojung ka angguy mamaju tor maro'om bangsa Indonesia.
Samoga badan kaula sadaja bisa'a ngaddu tor arebbu' prestasi ka angguy sopaja
sajan atamba maju. Amiin Ya Robbal'alamin.
Korang lebbi epon badan kaula nyo'ona sapora se tadha' bates
epon, pongkasan pamator.... "Nompa' motor ka bintaro, melle kokot ka
gappora: manabi badha ator se kalero, sala lopot nyo'on sapora "
AKHERON : Wabillahittaufiq Walhidayah Tsummassalamu'alaikum WR. WB
