PARAMASASTRA || Pidato berbahasa Madura ini ditayangkan pada hari Ahad, 14 September 2025, di lalampan.com.
Harapan dengan
hadirnya naskah ini Adalah untuk memudahkan siapapun untuk belajar Bahasa
Madura, meskipun ala kadarnya. || Lalampan.com
Assalamualaikum wr wb
Se badan kaula hormadi, Lora Dinas Pendidikan Kabupaten
Songennep
Se badan kaula amoljaagi Lora SMP Negeri tor Swasta
Se badan kaula amoljaagi dewan juri FTBI serta sadaja hadirin
tor hadirat se hadir neng ka’dhinto
Ngereng areng-sareng ngonjuggagi pojji sokkor dha’ ajunan epon
Allah SWT se ampon apareng Rahmat tor hidayah epon kantos badan kaula sadaja
bisa agi-panggi eka’dhinto dhalem tareta FTBI. Settong tareka se ce’ parlona
kaangguy arabat tor malanggeng Basa Madura
Hadirin se same parjuga
Arabat tor malanggeng basa Madura aropa’agi bagiyan dhari
sogina budhaja basa Madura. Menangka penottra tor penottre madura badan kaula
sadaja kodu bunga gadhuwan basa se nyalenda. Basa Madura aropa’agi bagiyan
dhari tatengnger badan kaula sadaja. Anglebadi basa madura ka’dhinto, badan
kaula ta’ coma adha-kandha, nangeng jugan daddi barisan budhaja se ampon toron
dha’ na’ poto.
Bannya’ e antara badan kaula sadaja se gasek aguna’agi basa
malaju otaba Basa Indonesia e dhalem kaodhi’an re-sa’are.
E jaman mangken se sajan maju ka’dhinto Basa Madura ampon
rangrang eguna’agi mangka basana dibi’. Melana dhari ka’dhinto ngereng jaga tor
perte Basa Madura kalaban ngajari Basa Madura dha’ na’ poto dhalem kaodhi’an re-sa’are,
e po’-compo’ e sakola’an tor e sakobengnga magarsare.
Are mangken badan kaula sadaja akompol dhalem tareka FTBI
menangka ngangodhadan, badan kaula sajada saestona gadhuwan tanggung jawab se
raja kaangguy ajaga tor merte Basa Daerah, khusus epon Basa Madura se aropa’agi
bagiyan tatengnger dhari badan kaula sadaja.
Para rabu se same parjuga
Badan pan-saponapan sabab, Basa Madura ta’ eangguy sareng
ngangodhadan.
1.
Ngangodhadan nganggep Basa Madura ka’dhinto basa
se ta’ gaul
2.
Korangnga pangaterro ngangodhadan kaangguy aguna’agi
Basa Madura neng kaodhi’an re’-sa’are.
3.
Bannya’na media sosial se aguna’agi basa salaenna
Basa Madura.
Mela dhari ka’dhinto anglebadi kesempadan paneka badan kaula
terro ngajaga badan kaula sadaja kaangguy aguna’agi Basa Madura e dhalem po’-compo’,
e sakola’an, tor e sakobengnga magarsare. Ta’ langkong ajarragi Basa Madura dha’
ngangodhadan. Parlona kalowarga otama epon reng seppo, kodu bisa ngajarragi
Basa Madura dha’ pottra-pottre epon.
Kalaban ajaga tor malanggeng Basa Madura Insya Allah Basa
Madura paggun badha ta’ kera elang. Daddi ajja’ malo aguna’agi Basa Madura. Badan
kaula ngarep badan kaula sadaja bisa daddi bakkel dhari oreng Madura kaangguy
ngajak oreng lain nyoppreya senneng dha’ Basa Madura.
Saka’dhinto dhari badan kaula
Kacepot Gulana Mera
Sala Lopot nyo’on Sapora
Wassalamualaikum wr wb
