Are Mangken, lalampan.com makalowar dhuwa’ Pidato, ka’dhinto
se pertama
JAJA INDONESIA
Bismillahirohmanirrohiim, Assalamu'alaikum Wr.Wb
Salera epon se molja dewan juri
Salera epon se molja bapak ebu
Alhamdulillah poji sokkor kaajunan Guste Allah se ka’dhimma
saat mangken badan kaula sareng panjenengan bisa angrabui dha’ tempat ka'dhinto
kaanguy maemodi babbarepon RI se kapeng 79 (2024). Salam sareng sholawat taslim
dha’ Nabi Muhammad SAW menangka pamongkas sadaja nabi tor abakta kasalameddan
odhi’ badan kaula tor panjenengan sadaja.
Salera epon se molja para rabu tor para juri
Ponapa arte epon kamardika’an dha' ngangodddhdann milenial tor
Generasi Z? napa coma totoban sakola'an, tor coma ngemodi parengedden kamardika’an?
Tanto epon banne ka'dhinto se emaksod.
Mardika arteepon bebas. Namong banne bebas dhari sadaja atoran
ban arompak sadaja atoran. Namong gaduwan tareka kaanguy mele, se peleyan ka’dhinto
se lerres tor amanfaat. Ngereng, kamardika’an neka manfaattagi kalaban hal-hal
se positif se utama dha’ ngangodhadan samangken se ekenal sareng istilah Gen Z.
hal-kal positif ka'dhinto eantarana epon:
Majau dhari napa-napa se ta’ lerres, panggaliyan se cerdas ban
penter ta’ gampang tahasut kabar hoax, bisa asaeng e level global kalaban
mabajeng ajar, nyare elmo se sobung bates epon. Se ka’dhimma dhalem hadis Nabi
Muhammad SAW sa ka'dhinto "tuntutla
ilmu walapaun ke negeri Cina", lebih cinta produk Indonesia namong tetep
go internasional sabab ka’dhinto tamaso’ cinta tanah air.
Salera epon se molja dewan juri
Jaman samangken ka'dhinto mosona kaula sareng panjjenengan
sadaja banne pole penjajah asing namong kameskenan tor kabudhuwan. Mela dhari
ka'dhinto ngereng esse'e kamardikaan neka kalaban semangat nyare elmo. Sabab
kalaban elmo sadaja bisa ekaolle tor bisa mamaju nagara epon Indonesia namong
tetap ajunjung nilai-nilai Pancasila e dhalem tengka re-saare epon.
Kamajuwan nagara Indonesia, becce' tor juba'na ka'dhinto
gumantong dhari ngangodhadan samangken. Ngereng ca-kanca sadaja padha asaor
mano' kangguy mamaju nagara Indonesia kalaban pola tengka, andhap asor se sae,
ajar se tarentem kaangguy sangona odhi'. Optimis ban bukteyagi ja’ ngangodhadan
samangken bisa ngeba Indonesia lebih maju.
Jaja Indonesia... Mardika!
sa ka'dhinto tor-ator, se kaator. Manabi badha ator se korang
sonduk dha' panggaliyan sadaja. Badan kaula anyo’ona sapora se sobung bates
epon.
Wabillahitaifik wal hidayah Wassalamu'alaikum Wr. Wb
KA’DHINTO AROPA’AGI PIDATO SE KAPENG DHUWA’
Assalamualaikum warahmatulahi wabarakatuh
alhamdulillahi robbil alamin Assalatu wassalamu ala asyrofil
Ambiya Iwal mursalin wa ala alihi
wa shahbihi ajma'in amma ba'du
se badan kaula hormati
para juri dha’ acara Ka'dhinto
se badan kaula hormati para panitia lomba sareng peserta lomba
se badan kaula hormati.
langkong dhimen ngereng puji sokkor dha’ Ajunan epon Allah
SWT. Se ampon apareng rahmat tor nikmat dha’ badan kaua sadaja, saengga badan
kaula sadaja bisa apol-kompol dha’ kabunga’an acara ka’dhinto.
sholawat tor salam moga tetep eyatoragiya dha’ nabi besar
muhammad SAW.
hadirin se erahmate Allah.
badan kaula mator sakalangkong dha’ kasempadan se eparengagi
kaangguy ajarba’agi.
pidato singkat ka’dhinto se ajudhul kamardika’an
hadirin se erahmate Allah
tanggal 17 Agustus enggi paneka tanggal se ekasebbut Indonesia
mardika. ngereng areng-sareng ngennang perjuanganna para pahlawan, Indonesia ka’dhinto
araya’agi kamardika’an, dhari penjaja Belanda, tore pabajeng nyare elmo ka
angguy materos pahlawan bangsa ngereng asokkor tor anyo'on dha ajunan Allah
SWT.
malar moga nagara Indonesia gapaneka edaddiyagiya nagara se
maju jaja tor raja, amin, amin Ya Rabbal Alamin
cokop saka’dhinto dhari badan kaula mator sakalangkong dha’ bakto
se ampon eparengagi.
motor Koneng dhari dhaja kacepot gulena mera mator oneng oneng
dha’ sadaja sala lopot nyo'on sapora
