Paparegan Madura Enggi paneka gunana eangguy nyemmone oreng laen. Badha paparegan
se kadaddiyan Dhari dhuwa’ baris, tor jugan empa’ baris. Dhalem paparegan,
baris kapeng settong aropa’agi samperan, baris kapeng dhuwa’ aropa’agi esse otaba
maksodda.
Ebaba paneka aropa’agi paparegan dhuwa’ baris:
Angga’
calorong bako ampek
Angga’
e Lorong bengkona birsek
Alako
tadha’ kodhungnga
Tatemmo
padha gudhungnga
Ajamowa
ner-menneran
Bila
tatemmo nger-sengngeran
Are
kemmes dina bagi
Kana’
nanges reya rogi
Banne
jukong dhuparao
Banne
dhukon dhutao
Bila
ngakan kakennyangan
Daddina
balang ketengngen
Bisa
agendhir ta’ bisa ngeggung
Bisa
ajijir ta’ bisa nembung
Bisa
ngebbas ta’ bisa nyaba’
Bisa
ngabas ta’ bisa ngeba
Bisa
agagambang ta’ bisa agendhing
Bisa
nyambang ta’ bisa nyandhing
Balara
kolare tarebung manyang
Baras
mare tedhung nyaman
Bako
penang Nangka sakerra’
Soko
tanang mata mancella’
Beng-tambeng
bako
Se
la tambeng pengko
Ca’na
jeppang tape neppon
Ca’na
gampang tape magippon
Caceng
tana caceng olo’
Oreng
sala serreng tako’
Cang-ancang
sokkor kobi
Pang-dhippang
sokkor sogi
Colo’
paka’ ngakan gabus
Toro’
oca’ reya bagus
Dudul
bajigga
Bendhung
buggigga
Dhing-tabarindhing
nale’e pagar
Dhing-ngendhing
nyare kabar
Dul
– nang – enang
Oreng
gunul nae’ penang
Entar
manceng olle juko’
Kana’
lancing ja’ aroko’
Gangan
tarnya’ juko’ langgung
Mon
bangal dha’ enna’ mon tako’ ondur
Gar-agar
dhaunna Nangka
Bajeng
ajar daddi mengka
Ja’
dha’-ngadha’
Dhaggi’
ekenneng sadha’
Ja’
mon-semmonan perreng keya
Ja’
mon-semmonan oreng keya
Jaja
tarona
Ja-ngaja
kare terrona
Juko’
kaban juko’ langgung
Mon
ban-aban kodu tedhung
Ja’
mon-temmonan rante keya
Ja’
mon-semmonan ngarte keya
Kembang
padhi kembang salase
Entar
mandhi olle berse
Komak
keng ta’ akombi’
Ommat
keya keng ta’ andhi’.