SMAS Nahdatul Ulama Sumenep Ngereng Lampa 'Hari Jadi Kota Sumenep ke-756'
Sumenep. Lalampan.com. 1447. Sabban taon, magarsare ta' kalep kaangguy ngajum tareka tor lampa ngaemodi babarrepon Jenneng Kottha Sumenep.
E taon 2025, sakola'an tor lembaga pamarenta ngabidi ngonjuk pandira opacara eterrossagi kalaban adduwan dha' ret-morettepon, kaangguy maramme karja taonan kasebbut.
Hal ka'dhinto jugan elampaagi SMAS Nahdatul Ulama Sumenep kaangguy maemot badhana Hari Jadi Kota Sumenep ke-756.
Menorot careta, Hari Jadi Kota Sumenep ta' nyengla dhari jejjer careta e nalekana Adipati Arya Wiraraja tanduk dha' bagiyan temmorra Polo Madura se samangken ekennal kalaban sebbudan "Sumenep".
Arya Wiraraja, menangka kon-konan dhari Karajaan Singasari, se kasohor eseppowe Raja Kertanegara. Rabuna Adipati Arya Wiraraja paneka, epaemot kantos samangken menangka babarepon Jenneng Kottha Sumenep e sabban taon.
Sakolaan paneka juga mabadha adduwan dha' ret-morettepon kaangguy maramme tor mabiyasa ret-moret kaangguy noro' alomba.
E taon 2025 paneka, SMA Nahdatul Ulama Sumenep ngombarragi tareka 'Ngopene Budhaja Songennep" seepele daddi pokedda tareka karja.
Lampa paneka ekabidi sareng salerana Kepala Sekolah SMAS Nahdatul Ulama Sumenep, Sri Farida Hartatik, S.Pd se kabubbuwan pakon molja apareng dhadhabun aropa sambutan pamokka'.
E dhalem jajarba'annepon, Salerana ngarep tor taronggu badhana Babar Jenneng Kottha Sumenep se kapeng 756 gapaneka daddiya kasaeyan kaangguy maemot budhaja sekapeyara Kottha Sumenep.
"Para ret-moret jugan ngereng lampa paneka. Kalaban mabadha macemma adduwan ngengenge arabat budhaja. Akadi adduwan maca puisi, tembang Madura, tor salaen epon se bakal daddi pangaonengan tor kasaeyan e dhalem pangajaran," dhabuna, ngatorragi pamanggi dha' Lalampan.com
Kalerresan E tanggal 31 Oktober 2025, sadaja guru tor ret-moret SMANU mabadha Opacara ngormadi lalampa Hari Jadi Kota Sumenep ke-756.
(laporan Fendi Chovi)
