Lalampan.com—1447. Pidato Bahasa Madura|| Paramasastra|| Teks
pidato berbahasa Madura ini disusun untuk mendukung upaya pelestarian Bahasa
Madura di kalangan generasi muda, khususnya di lingkungan Lembaga Pendidikan.
Dengan berbagai macam tema setiap teksnya, pidato ini dapat dijadikan contoh
sambutan atau materi latihan berbicara di depan umum menggunakan Bahasa Madura.
Naskah ini dikumpulkan dari seluruh peserta FTBI Kabupaten Sumenep Tingkat SMP
(Negeri/Swasta).
Semoga teks pidato ini bermanfaat bagi guru, siswa, maupun
masyarakat umum yang ingin mempraktikkan pidato Bahasa Madura untuk acara
sekolah, lomba pidato, atau kegiatan kebudayaan lainnya || Redaksi Lalampan.com
Assalamu'alaikum Wr. Wb
Bismillahirrahmanirrahim.... Alhamdulillahi robbil 'alamin,
Assolatu wassalamu 'ala sayyidil mursalin, wa ala alihi wasohbihi ajma'in. Amma
ba'du.
Songkem semba bakte, se ka to'or kalaban pangesto ate, abdina
atoragi dha' Salarana semolja, kapala dinas kab. Songennep asareng jajaran epon
Ta’ kadinggalan jugan Salerana se molja KAPALA BIDANG
PEMBINAAN SMP PENDIDIKAN KABUPATEN SONGENNEP
Sadaja dewan juri, se abdina amolja'agi
Tor sadaja rabu, sae bapak-bapak, ebu-ebu, asareng tantaretan
se anom Se nambai taresna se ape-tampe, rassa kerrong e dhalem ate, alengleng
epamengkang ate, mekkar kadiya malate, se sadajana abdhina amolja'agi. Menangka
ator se kabidan, rassa epon ta' manggi ator pamator se langkong parjuga ka
ator, kajabana ngonjugagi rassa poja-poji asareng sokkor, dha' guste Allah se
maha ngator.
Tor jugan, solawat asareng salam, samoga teptep ta'
bang-tobanga, ka ator dha' pangolo sadaja ummat, se karamat se kapojja ummat,
se karamat se daddi pandumanna ummat, poser cahja neng are keyamat, enggi ka'dhinto
Guste Kanjeng Nabi Muhammad, se abdina asareng ajunan menangka ummat, malar mandar
gi' melowa lowabanna syafaat, kabit dunnya kantos aherat. Amin amin ya robbal
alamin...
Bapa' bapa', ebu-ebu se abdina amolja'agi....
E kasempadan are samangken, abdina nyo'ona sapora, badhi
tor-matora, kalaban bul-ombul "Arabat tor malanggeng Basa Madura"
Bapa'bapa', ebu-ebu se abdina amolja'agi.
Abdina paneka gi' kene', pangaonengan basa Madura gi' sakone'.
Abdina jugan gi' na'-kana', pangaonengan basa Madura gi' ta' genna'. Nangeng
manabi ngoladi kabadha'an e jaman se maju, basa Madura menangka ebu, ampon
para' ta' paju. E po'-compo' ngabidi gi' kana' ampon eajari basa malaju.
Reng-oreng tor-mator kadhang ampon ta' addhu. Dhuh rassana ngennes onggu. Ngangodhadan
tor-mator ampon ta' abasa. Tor-mator sareng oreng seppo akadi mator sareng
kanca. Tor jugan kadhang se seppo ta' apangrasa ja' abu-dhabu bannya' se sala.
Manabi sapaneka, kadiponapa kabadha'an basa Madura saterrossepon?
Bapa' bapa', ebu-ebu se abdina amolja'agi.
Maca tor noles basa Madura lakar katon malarat. Ru-guru se
molang moret abalangaja, laten, tor sabbar mala kantos sowarana ratrat.
Dhang-kadhang ru-guru aromasa posang. Sadaja tareka padha epasang. Se ekaconto
ta’ rang-korang. Nangeng se ngarte namong kasorang. Sadaja tareka elakone, namong
settong se etojju, enggi ka'dhinto sopaja basa Madura tettep paju, erabat
sopaja landhu, paggun langgeng ta’ bu-ambu. Melana, abdina asokkor onggu. Badha
festival tunas bahasa ebu. Moga basa Madura tamba maju.
Bapa'-bapa', ebu-ebu se abdina amolja'agi.
Carana noles otaba eja'an basa Madura ampon mapan. Oreng
Madura, guru tor moret se aguna'agi ampon ta' kasamaran. Kong-langkong oreng
Songennep aguna'agi ngabidi taon 1973 an. Nangeng samangken badha pole cara
noles otaba eja'an basa Madura se anyaran. Nangeng sadajana ja' kantos daddi
rarasan, napa pole kantos atokaran.
Bapa'-bapa', ebu-ebu se abdina amolja'agi.
Eja'an lekka' ta' padha, nangeng gaduwan settong tojjuwan se
pasda, enggi ka'dhinto ka angguy arabat basa Madura. sopaja basa Madura paggun
langgeng badha. Pasera pole se badhi ajaga, manabi ta' oreng madura dibi' se
abalangngaja.
Bapa'-bapa', ebu-ebu se abdina amolja'agi.
Basa
madura basa ebu // E palandhu sopaja jurbu
Ngereng
dha' sadaja para rabu // Paesto dha' basa ebu
Kera sapaneka pamator se bisa abdina atorragi, eyahere kalaban
pantun:
Kapandiyan
kapangarangan // Pamolena lebat gappora
Sadaja
kalebbiyan tor kakorangan // Ta' langkong nyo'ona sapora
Wassalamu'alaikum Wr. Wb
