Sekedar sakapur sirih untuk kesusastraan madura || Lalampan.com
lalampan.com || Haha. Saestona pon lesso se matora, haha. Noles Careta Pandha’ (carpan) lakar ta’ gampang, napa pole neng careta basa madura, tadha’ contona, manabi akadiya cerita pendek (Bahasa Indonesia) tanto bannya’ contona, saenggana gampang kaangguy eajari. Namong neng basa Madura, bakal akaca ka conto, teppa se kadiponapa kerana. Ka’dhinto masala otaba pokpara se kabidan. Tor banne namong ka’dhinto pokpara se badha (pa)nolesan Basa Madura.
Enggi, lerres. Noles Basa Madura se biyasa bai ganeka rang-rang se teppa’, napa pole kaangguy noles careta se bak pendhanan, tanto sajan bannya’ se pendhanan pot-talopot. Enggi. Eja’an tantona gi’ bannya’ se salbut. Buddhu. Ka’dhinto parkara se ta’ gellem ranta. Banne polana asabab “H” otaba bunten, lebbi sakadar dhari gapaneka. Anapa ma’ ta’ PIRAL mon Basa Madura sala noles? Enggi polana panggaliyanna ta’ padha. Mon Basa Inggris, sala sakone’ enggi langsung epacarapat, akadiya diveliry otaba friends fresh.
Samangken lakar sajan sakone’ se nolesa careta pandha’ Basa Madura, banne polana hal-hal kadi ka’dhinto, literasi secara nasional lakar pajat lockdown (banne laukdaun). Artena samangkenna neka, kabadha’an literasi badha neng kabadha’an se cokop makobater, panggaliyan neka ngetek tor ngetter manabi adungngeng literasi nasional, daerah, napa pole literasi budhajana dibi’, se masthenan lakar kodu daddi gu’-ganggu’ sabban are.
Pole se daddi kapekkeran enggi paneka asabab polana tadha’ FEE-FEE enggi paneka tadha’ HONOR, tadha’ bajaranna. Napa pole noles e lalampan.com paneka. Lakar ta’ olle pan-napan sakale. Enggi ganeka berra’na pera’. Laju ta’ gaya sakale mon gun epublish (ongga) e lalampan.com napa pole tadha’ ollena berkat sakale, sanajjan coma pesse sagembring mesalla.
Kadi paneka pajat daddi pekkeran (Yayasan Arokat Lalampan), sopaja taretan se noles paneka olle berkat, lakar terro jugan akadiya media se pon areng-pareng jugan, malle pendha legga ka pekkeran. Se noles olle berkat, tantona pola paggun barenteng se nolesa. Tape sampeyan manabi noles neng majalla epon Balai Bahasa Jawa Timur, ka’dhinto badha honorra. Ngereng sae jugan kerem ka ka’dhissa’.
Samangken lalampan.com ampon nyadhiyagi tempat sopaja para rabu sadaja se kasokan kaangguy abanto apareng berkat monggu dha’ se noles, bisa lebat teraktir ka’dhinto, ka’dhinto namong pangarep, banne keng ngemmes, e baba paneka badha barna ra-mera ban semmo cokelat, ka’dhissa’, manabi kasokan areng-sareng, ato-banto arabat Basa Madura, tor kasokan apareng sakone’ rajekke monggu lalampan.com bisa lebat traktir ka’dhinto. Bisa kopi otaba jindhul sacangker otaba sagellas (lemaebu ropeya). Enggi manabi kasokan. Ka’dhinto sakadar pamanggi, sopaja same-same padha lebur arabat basa Madura.
Pola kalaban kadipaneka, pangajaran sastra madura sajan odhi’, tombu, nyenna tor jurbu.
Gallu rowa. Gallu!!!