Safari Kebudayaan Lesbumi Pragaan
TAMBUL|| Lalampan.com-1447. Gi’ laggu ganeka, na’-kana’ moret
abareyagan, lastarena maemot bacaan du’a-du’a e taneyanna sakola’an, dha’ guruna
bang-sebang, ret-moret ka attas langar (samangken pon mushallah), Kellas settong
kantos Kellas tello’ kaangguy ajar noles arab se teppa’ ban se bagus (Khot
otaba Kaligrafi Arab).
Are Satto tanggal 17 Powasaan taon 1447, na’-kana’ perak,
asabab pangajaran laen dhari biyasana, enggi paneka ajar agambar tolesan arab
se teppa’ ban se bagus. Tanto na’-kana’ moret bunga. Lalampan kadipaneka rabu
neng sakola’an SDI AD-DZIKIR Prenduan, se ka’dhimma lalampan paneka epabadha
sareng LESBUMI MWCNU Pragaan (Lembaga Seni Budaya Muslimin Indonesia Majelis
Wakil Cabang Nahdlatul Ulama) se pajat aropa’agi lalampan bulanan. Se ka’dhimma
se kabidan enggi paneka kalaban Khot.
Na’-kana’ moret salaen bunga, jugan perak asabab bisa ajar
kalaban (katon sambi) nan-maenan, mamerret po’lot, sopaja tolesan bisa
lebar/tebbel. Ust Hasbi se rabuepon dhari Pragaan Lao’, se samangken gi’ ngabdi
e Pondok Al-Ibrahimi (masaran), ajarbaba’agi kalaban samporna. Kadinapa carana
mamerret po’lot (ngerra’ po’lot), kantos kadinapa carana neggu’, sopaja lebbi
gampang. Bakto paneka Ust Hasbi ebanto sareng Ust Avnan tor jugan pengurus Lesbumi,
Musyviqur Rahman.
Bakto ampon lastare ngajari alif ba’ ta’ tsa’ jim dal ra monggu
se tello kellas se kabidan, epaterros kalaban kellas empa’, lema’ tor ennem se
aropa’agi kellas kapeng dhuwa’. Ust Hasbi jugan notorragi ponapa se gella’
totorragi maemot carana neggu’ po’lot tor jugan dalubang/buku gambar.
“Dalubang/kertas/buku gambar otaba kanvas, neka se sae, se
nyaman neka badha e bagiyan kangan epon sampeyan, asabab malle gampang nolessa
tor bisa gampang epanggi.” Totor epon Ust Hasbi sambi neppae (nyontoe).
Mela dhari gapaneka ret-moret nyoba mateppa’ carana nyaba’
buku gambar. Kellas kapeng dhuwa’ paneka, banne namong ajar noles Khot horop
otama, namong eparenge panggaliyan kaangguy noles “Bismillah…”
Parlo ekagali, LESBUMI MWCNU Pragaan gadhuwan lampa bulanan enggi paneka Safari Kebudayaan Arokat Lalampan, molae akadiya khot, Lukis, handmade, bedah buku, macapat, sastra madura (MC, Puisi/Sanja’, Pidato, Carpan/Cerpen). Silahkan hubungi/Kunjungi Media Sosial Lesbumi Pragaan.
