Lalampan.com—1447. Pidato Bahasa Madura|| Paramasastra|| Teks
pidato berbahasa Madura ini disusun untuk mendukung upaya pelestarian Bahasa
Madura di kalangan generasi muda, khususnya di lingkungan Lembaga Pendidikan.
Dengan berbagai macam tema setiap teksnya, pidato ini dapat dijadikan contoh
sambutan atau materi latihan berbicara di depan umum menggunakan Bahasa Madura.
Naskah ini dikumpulkan dari seluruh peserta FTBI Kabupaten Sumenep Tingkat SMP
(Negeri/Swasta).
Semoga teks pidato ini bermanfaat bagi guru, siswa, maupun
masyarakat umum yang ingin mempraktikkan pidato Bahasa Madura untuk acara
sekolah, lomba pidato, atau kegiatan kebudayaan lainnya || Redaksi Lalampan.com:
|
Para
kanca sadajana Nyara
padha kasokana Nyara
basa Madurana Ma' ta'
serna elang mosna |
Basa
Madura drajadda Kabilang
basa se raja Basa Jaba
sareng Sundha Peng
tello' basa Madura |
Penotor
basa Madura Jaba Temor
penggir dhaja Banyuwangi
Situbanda Probolinggo
ban Sorbaja |
Assalamualaikum wr.wb
Bismillahirrahmanirrahim ALHAMDULILLAHIROBBILALAMIN. WABIHII
NASTA'INU ALA UMURIDDUNYA WADDIN WASHALAMUALA ASROFIL AMBIAYAI WARMURSALIN
SYAIYIDINA MUHAMMADIN WAALA ALIHI WASHOHBIHI AJMAIN. Robbi shohri shodri,
wayasyihli amri, wahlul uhdotam mil lisani, yahfkohu qhouli amma ba'du.
Songkem pangabakte, se ka'anggi' sareng pangesto ate, malar
moga badan kaula sadaja, salaggi' kaganjara baras salamet, ta' manggi
kakorangan pan-ponapan. (tongos) kantos lomanjar dhalem ka'asreyan.
Songkem
pangabekte kaator dha' salerana sadajana dewan juri binatu Basa Madura
Songkem
ngabekte kaator dha' salerana pangapeng binatu addhuwan Basa Madura
Songkem
ngabekte kaator dha' salerana tuan roma se kaanggunan hajat
Para ajunan se same molja...
E dhalem kasempatan ka'dhinto, rassa aba' neng e sagara okara,
ta’ manggi angka tor jugan aksara, ta’ manggi ara tor jugan pangara, ka'angguy
nambak paparengnga se ta' cokba ka gunong ta’ kaetong, e dhalem sabban baja. Tadha’
pamator se langkong akor kajaba pabannya' pamoji sokkor dha' Allah Se Maha
Agung kalaban mabannya' ngaji sareng pamoji ka' Allah Se Maha Tenggi kalaban
Maos Hamdalah, tor ngereng areng-sareng... Alhamdulillahirobbilalamin.
Amarga asareng binareng ngatoragi semba poji sokkor dha' karsa
epon Guste Allah, se Morba jagat, se ngabbuli sadaja karep, se kaagungan rassa
pangabellas tor panganeser, badan kaula sareng para ajunan sadaja, dhalem
kabadha'an lomanjar, dhalem kajumambaran, se ekembangi kalaban pangesto se
langkong nyennengngagi, bisa ngestowagi rabu tor alonggu e kennengan se
langkong asre ka'dhinto. Malar moga sadaja magarsare epon teptebba asaor mano',
tor song-osong lombung abillai ka'angguy sakadar nabung katarenteman ate tor
jugan kaantengan ate.
Para bapa' para ebu se same molja, solawat sareng salam malar
mandar teptebba tomeba dha' ajunan epon Nabi Muhammad
Sallallahualaihiwassallam, se ampon abakta badan kaula sareng ajunan sadaja
dari jaman kabudhuwan kantos jaman kapenterran, malar moga badan kaula sareng
ajunan sadaja kengengnga syafa'at epon paggi' neng are aherat Amin...3X ya
robbal alamin.
Para rabu se badan kaula amolja'agi. Ponapa ba' onenga sampeyan?
Samangken Basa Madura tamba taon, tamba elang mosna. Tanto samangken daddi
perreng lama’na bako panebbassa rosak. Atamba are tamba ejauwi otamana sareng
na’-kana’ ngodha.
Aponapa ma' nga' ganeka? Terro onenga gi...
Na’-kana’ ngodha e jaman samangken lebbi kenceng nerowe
kabudhajaan lowar se acem-macem. Katembang magumbus basana dibi’, melana gapaneka
se badha eparsemowan agung ka'dhinto otaba dhat-ngodhadan se merte dhadinan (didinan)
Madura,
Sarojuk gi..., Sanat...
Mommpong are gi’ ngatemor, ngereng nyandha’ bai'en accem panebussa
(magi’, mela dhari paneka ngereng sambi) agi'-gigi’ (pangarteyan).
Kadiponapa sopaja na'-kana' ngodha bisa ajungjung basana
dibi', Basa Madura. Pagi' ponapa pole bisa dhugga dha' tenggi rassana basa
Madura se lerres, se sae tor andhap asor kalaban ngagem ondhagga basa se teppa’
tor salpa'.
E angguy e sabban bakto ta’ sampe' aporo lesan panabussa (todhus)
dhalem aguna'agi oca' Madura se sokla. Sala settong cara se bisa eguna'agi
enggi ka'dhinto kalaban basa se sokla agandhu' tata krama.
Daddi na'- kana' molae e po'-compo' kantos sakola'an.
Sakola'an eburuk bab Basa Madura se lerrses. Taronggu dha' baburugan agamana,
tor jekjek dha' juda Nagara insya Allah se sapaneka badhi andaddiyagiya
generasi se koko, sodek tangka/tengka gulina, kantos ekasennengnge reng towana
tor e kasennengnge bannya' oreng e seddi'na. Kadinapa sanggup?
Pramela dhari gapaneka, ngereng kaula sadaja noro'a ajaga kajekjegganna
Basa Madura ka'dhinto ta' todhusa ngonjuk basana dibi', terro onengnga carana gi?
Enggi carana ekabidi dhari conto/teppa se kene' dhimen, pabiyasa e compo'na
bang-sebang.
Para rabu se same parjuga. Saka'dhinto tor-ator dhari badan
kaula. Sakone', namong moga abakta'a barokah tor kasaeyan dha' kaula sadaja,
manabi badha aeng seramma Lorong, panabussa teppal pamator jugan korang sonduk
dha' panggaliyan para pangrabu abdina nyo'ona pangapora.
Du ma'
ellang-ellang bhiru
Tada'
ellang maradhara
Du ma'
palang-palang gellu
Mon pas
elang bhasa Madura
Wassalamualaikum wr.wb
