MORET BUWANA ATE
Anggidan
: Tang Guru
Daddiya moret se becce' atena....
Tengkana sopan alos gulina....
Ta' alako juba' apa pole sampe' roce
ta' pegga' ka Guru ngabdi songkemma
ban ka reng towa dhuwa' se saomorra
ka kanca ta' mergem, ka oreng ta' ngothem
sala sakone' ta' salang senthem...
Daddiya moret se becce' atena....
Ta' daddi rasan, ta' lebur ngece...
Moret se becce' ate akantha ate malan
aguli teppa' ta' maseyalan
ta' akanca se matokaran, apa pole apacaran
Daddiya moret se becce' atena....
Tape bannya' se ta' ngastete
Tanang lancang lebur ngeco'
Ka guru ta' andhi' rassa tako'
E rammena oreng biyasa akento'
Ngakan colo' ban nyator kepa' arassa poko'
Ja' paggune me' ecapo' cangko'
Daggi' markoko'
Daddiya moret se becce' atena....
Papangrasa ja' bakal mate
Ce' sakejja'na odhi' e dunnya
Patebbel iman, pabannya' amalla
Pasogi elmo se lebba' gunana
Ma' le bunga budhi arena
Klaban Rido Allah Azza Wajalla....
Mandar daddiya
moret se becce' atena....
Amien...
TANG GURU