KAMARDIKA’AN
Assalamu’alaikum wa rahmatullahi wa barakaatuh
Innal hamda lillaah. Nahmaduhu wa nasta’ienuhu, wa nastaghfiruh, wa na’udzubillaahi min syururi
anfusinaa wa sayyi’aati a’maalinaa. Man yahdihillahu falaa mudhilla lah, wa man yudhlilhu falaa haadiya lah.
Asyhadu an laa ilaaha illallaah, wahdahu laa syarika lah. Wa asyhadu anna Muhammadan ‘abduhu warasuluh. Amma ba’du’
Karengga sareng sadajaepon kahormadan, semba songkem abdi dalem, Abdina Moh. Fursan
Fathiril Haq dhari SMPIT Al-Hidayah Songenep. Kaatora songkem pangabakte, malar moga ta’
cokba’a, malar moga tetep kaatora dha’ para ulama’ tor umaro’, se kaonang penter socce menangka kaca kebbang monggu magarsare.
Kong-langkong saleraepon se molja para juri. Ta’ kalep jupon, malar moga para rabu, sadaja anom, hadirin-hadirot se padha alonggu jimet parjuga, kengenga syafaatepon Kanjeng Nabi Mohammad SAW.
Sabab badan kaula sadaja ka’dhinto buwa celo’, ta’ bu-ambu ngelacer ngarep lepor inayah tor hidaayah-epon Guste Allah, se amorba alam, amorba jagat. Enggapaneka tanto, gedda’ badan
ka’dhinto parlo lebat; ngaolle petolongngepon Ibnu Abdillah, Mohammad, cajaepon alam kaodhi’an, se ampon ngonjuk Islam tor Iman.
Allahumma shalli ‘ala Muhammad...
Dhalem kasempadan are samangken ka’dhinto, badan kaula, badhi ngatorragiya peyatoran
ngengenge are kamardika’an Indonesia se omorra ampon 79 taon (2024). Indonesia Mardika ta’ lopot dari
juang bangsasepo e jaman dhimen. Saenggana e tanggal 17 Agustus 1945, Ir. Soekarno sareng
Moh. Hatta memproklamasikan kamardika’an Indonesia.
Saterrossepon oarlo e kaemodi semboyan nagara enggi ka’dhinto Bhinneka Tunggal Ika, paggun daddi
panutan sareng se bakal dhateng.
Ngatore para rabu ngaonenge jasa pahlawan se sukses ngateragi kamardika’an Nagara Republik
Indonesia, saenggana badan kaula sadaja sareng para rabu leppas dhari jaja. Alhamdulillah, Samangken sareng saterrossa badan kaula, para rabu sadaja ampon odhi' jumantrem.
Para rabu, taretan, hadirin-hadirat ba’ enga’a, kadiponapa caretana bangaseppo badan kaula sadaja, dhimen, nalekana aperrang ngoja Neppon tor Balanda?
Romusa!
Sabban are ate rekong ngabas pate
Sabban are aba’na alako tape ta’ olle pan-ponapan
Nompa bigina pestol
Dharana taretan agalijiran e seddi'an
Allahu Akbar coma Allah se bisa nolong
Gunna Allah se bisa makalowar ngoja kasossa'an
Rama Ebu acareta, kadiponapa juju'na lamba' nagenne sake' tabu' se kepa', nase' tadha' nase', gunna orap bungkana kates, komak, lorkong ban un-dhaunan se bisa edha'ar.
Dhalem kabadha'an tabu' eganjel bliker, aba'na terros epalako kalaban paksa.
Allahu... Romusa! Romusa!
Ora' dhara daddi en-maenanna Neppon ban Balanda!
Saka'dhinto, kantos teba are tera' kamardika'an.
Alhamdulillah badan kaula sadaja nyo'on dha' Guste Allah SWT. Saenggana kamardikaan paneka bisa kantos erassa'agi saterrossa. Amin Allahumma Amin.
Allahumma shalli 'ala Muhammad!
Kerana cokop saka'dhinto, malar moga maske sakone', badha'a manfaadda, megunane monggu badan kaula sadaja kaangguy noro' nyombang bangon: Indonesia jaja, bajjra tor rajja, kantos budhi are. Amin Allahumma, Amiin.
Sabellunnepon panotop, manabi badha ator se ta' sae, badan kaula nyo'on sapora se tadha' batessepon.
Wabillahi taufik wal hidayah, tsummassalamu 'alaikum wa rahmatullahi wa barakatuh.