Horop se Asandhing kalaban H

Horop se Asandhing kalaban H

Paramasastra || Redaksi Lalampan.com

Dhalem horop basa madura, otama epon konsonan, enggi horop mate, se ta’ amonye neka ekoca’ konsonan, manabi vokal neka amonye, akadiya a, i, u, e, o, neka nyamana vokal. Dhalem konsonan basa madura, manabi nalektegi e dhalem bacaan carakan neka amonye kadi paneka:

ha	na	ca	ra	ka
da	ta	sa	wa	la
ma	ga	ba	THA	nga
pa	DHA	ja	ya	nya

Manabi ka bacaan kadi paneka sampeyan tanto apal, artena enga’ parana, sampe’ e lowar sera. Manabi apanduman ka ganeka, pajat coma dhuwa’ horop se asandhing kalaban h, enggi paneka THA sareng DHA. Aneka metorot eja’an 1973. Se lakar noro’ monyenan carakan Madura.

E dhalem se dhupolo keccal ganeka ampon badha se ebaca berra’ otaba dhammang, akadiya WA, enten ta’ etoles, WE. Otaba, ba, banne be, akadiya nolesa saba, enten ta’ etoles sabe, otaba ja-ba, banne jebe. Ka’dhinto sakadar sakone’.  Enggi minimal sampeyan apal bacaan ganekana, sanajjan carakan enggi kocel apallagi.

Horop T-D neka bunten ta’ saterrossa otaba ta’ salanjangnga omor neka akabin sareng H, dhaggi’ pas esanggu abine dhuwa’, enggi kan, H neka bisa ekoca’ ekalake oreng kadhuwa, kadhang asareng T kadhang asareng D, bunten. Banne nga’ ganeka.

Artena T sareng D neka bisa odhi’ kadibi’an (jomblo), tape malle amonye, neka lakar kodu asandhing (kodu abine otaba alake), manabi ta’ asandhing rangrang se laju eanggebba, mangkana pas ekoca’ odhi’. Akadiya pera’ maca T-D, sara baca’anna, manabi badha horop se maodhi’, badha monyena, neka epanggi ja’ odhi’, akadiya, ta-bu’, da-lko’. Da sareng ta, de-te, di-ti, du-tu, do-to, aneka pera’ aberri’ kaodhi’an. Mon (gun manjeng kadibi’) neka ta’ odhi’.

Maos jugan

• Tase’ Tadha’ Omba’, Faidi Rizal Alief
• Ejaan Dalam Bahasa Madura
• Rora Basa Madura
• Sobung Banne Tadha’
• Martabhât Orèng Madhurâ ḍâlem Bhughellân Traḍisi

Aponapa ma’ akadiya paneka, enggi pajat kadipaneka logika Bahasa se ekoca’ tandha. Se bisa nandha’agi badhana settong kaparlowan, barang otaba en-laen epon.

Samangken focus monggu oca’ T-D esandhing kalaban H. anapa ma’ kodu asandhing kalaban H, aneka polana Basa Madura, pola keccap basa Madura neka badha se berra’ tor dhammang. Daddi sampeyan molae samangken, otamana bila ampon ngagali, ja’ neng horop konsonan Basa Madura, neka coma badha dhuwa’ horop se asandhing kalaban horop h. enggi paneka t-d. se laen neka ta’ usa. PARLO EKAGALI NEKA EJA’AN 1973. Se apanduman ka carakan.

Saenggana ampon ta’ mabi h monggu horop se laen, akadiya, B-H, G-H, J-H, Y-H. X-H, F-H, M-H, N-H, ban salaenna. cokop se kadhuwa, enggi paneka T sareng D.

Paneka contona epon

Paneka contona horop dh	Paneka contona horop th
dhammang (ringan)	kottha (kota – city)
dhaggi’ (nanti)	Penthang
dha’emma/dha’remma	patthogan
dhangdhang	pentheng
dhimen	penthong
dhissa’	thettheng - mathettheng
dhingkol	Sotthel
dhuwa’ (dua/2)	pasthe
dhaun	nganthang
dhasar	tatthang – natthang
dhalem	ottha’
dhapor	othek
dhalang	salketthek
dhapa’	tharat
dhabu	thakthak
pendhet	thokthok
tandhu’	thekthek
mondhuk	thathat (burung betet)