Masyarakat Palalangan Nyokkore Somber Aeng


Karduluk-1444. Baari’ (ahad, malem sennen), kabit lastare ashar, masyarakat Palalangan ngalampa rokat kampong tor tasyakkuran Penyediaan Air Minum Berbasis Masyarakat (PAMSIMAS) kalaban ngatammagi Al-Qur’an, tor lastare iesya’na aropa’agi pangajiyan. Lalampan paneka elaksana’agi sabban taon, lerres e semma’na Somber Aeng se ampon daddi somor, esoso salanjangnga omor sareng masyarakat Palalangan. 

Kalaban badhana somber kasebbut, masyarakat ampon ta’ kodu nyello’ aeng kalaban ngambat embir, temba otaba mekol, namong cokop majar sanapa meter abi’na aeng dhalem sabulan, mela dhari paneka, masyarakat Palalangan mabadha rokat kampong.

Rokadan kampong ekabidi lastare asar saamponna masyarakat ampon akompol kaangguy maos Al-Qur’an areng-sareng (tello polo juz). Lastarena ashalat iesya, pangajiyan jugan ekabidi tantona saamponna se bakal apareng pangajiyan rabu.

K.H Musleh Adnan rabu sepa’ kalaban baktona, sabab sopaja ta’ malem dhalem nyampeyagi pangajiyan tor masyarakat bisa ceppet istirahat. Dhalem dhabuna K.H adhabu akadiya bila adhabu eman-ka’dhimman enggi ka’dhimma palebur asokkor, napa pole aeng ampon gampang, asokkor enggi namong ngoca’ Alhamdulillah, asokkor kalaban se gali, enggi paneka abajang, ashalat. Se ka’dhimma K.H Musleh pajat kasohor kalaban leburra dhalem pangajiyan, saenggana bannya’ oreng se senneng tor ta’ terro ambuwa se merengngagi pangajiyan.

Masyarakat se merengngagi ta’ coma rabu dhari Palalangan, namong dhari sadaja Karduluk asabab padha nyopre kajembaran, pola olle tampessa ganjaran kalaban noro’ merengngagi pangajiyan pangajiyan, napa pole sampe’ ngalaksanaagi Pakonna Allah tor ajauwi larangan-Na. Salaen nyopre tampessa ganjaran, jugan bisa abalanja dha’aran, akadiya penthol, rojak, campor ban laen samacemma. 

Posting Komentar

Lebih baru Lebih lama