Sanja' Mahwi Air Tawar

sf: Aliexpress.com

Langnge' Mera e Mor Dhaja

Wa' omba' ba'-koba'an, 
Dhari mor dhaja akaton adina jang-bajangan
Jang-bajangan se lanjang padhana reng nangdang
E attasa parao se alobang

Sapa rowa andhi' parao akaton jan-onjanan 
nedari langnge', netene cellengnga ondhem
Sapa rowa se asare tao akellon pangataoan
Sabiri, sagaris, sakelan onduri pangalem

Langnge' mera e mor dhaja
Berce' sara e omor ngodha
Ayuk aolok ate pajaga
Sengkap lajar secelleng e dhadha

Wa' omba' ba'-koba'an,
Lebur eyabas, juba' e raga
Langge' mera e mor dhaja
Solap eyabas, bagus erassa

Sapa rowa andhi' parao e tenggangan ta' aguliyan
Sapa ba'na se nyare tongkang, pajeg-jeg e lembuy ja' paguliyan

Tampar parao
Tabu' lapar tadha' tao

Katerra kater epolas pote
Manggar tale eangka'a
Babbar paberse gulina tengka
Sabarra ate le ta' ale-tole

Epondhut dhari FB Mahwi Air Tawar se eposting tanggal 05 Juni 2017

Posting Komentar

Lebih baru Lebih lama