Bu’ Kalebun Ngonjang Mahasiswa KKN STIDAR 2022


STIDAR.2022. Mahasiswa STIDAR se KKN (Kuliah Kerja Nyata)  Posko 2 neng disa Dhaso’ lao’ (Dasuk Laok) ampon lastare tor jugan ampon etarik sareng kampus STIDAR. Penarikan Mahasiswa KKN ka’dhinto elaksana’agi tanggal 31 Juli 2022. Civitas akademik STIDAR se rabu dhalem penarikan enggi paneka kiai Junaidi, M.M., M.Pd se aropa’agi ketua STIDAR, Kiai Ainul Yaqin, M.Si, se aropa’agi ketua LP3M tor Bapak Khamsil Laili, M.Pd.I, menangka ketua LPM tor jugan DPL (Mat Toyu).

Saamponna etarik sopaja abali ka kampus tor agabay laporan pelaksanaan KKN, lebat pak carek, pak Ainur Rasyid, Bu Kalebun Dhaso’ Lao’ ngonjang mahasiswa kaangguy dhateng e acara salameddan disa, e 7-8 bulan Sappar 1444 (4-5 September 2022).

“Bila bulan September, tanggal empa’na mole dha’ enja. Ta’ usa nyare sengko’. Kan jareya la bengkona dibi’. La asallim ka eppa’ ban ka embu’. Ngenep pole.” Dhabuna Pak Carek Dhaso’ Lao’ se jugan aropa’agi peserta KKN STIDAR 2022. Mereng pakon saka’dhinto Istikmala, Junaidi tor Panji Pamungkas jembar, tor mesemma akalotoran.

“Tor jugan ta’ langkong ke (monggu K. Junaidi) eyatorana longgu are sennen ka’dhinto. Langsung maso’ dalem (daddi reng dalem), sopaja padha bunga.”

Ngaolle onjangan se parjuga, K. Jun aromasa bunga tor paju. “Alhamdulillah neka. Insyallah, samoga padha dhalem kabadha’an sehat tor kaparengan kasaean, saenggana bisa abungai, sanajjan bakal ngene’e kerra’an. Neka.” Acara se pon santai neka sajan daddi gella’ sabarundhut. Dhalem paneka jugan, K. Jun ngajak K. Ainul tor Pak Khamsil kalaban Basa Arab “Ba’dh dzhar.”

“Insyaallah.” Ca’epon K. Ainul Yaqin.

“Kami eka’dhinto badhi nyalameddi disa, salameddanna disa. Enggi nyopre kasalameddan ka’dhinto keyae.”

“Alhamdulillah, neka dhateng pajuna. Aneka pon apaserenan. Bila kare ta’ paju enggi sobung sakale. Cellep pas.” Panotop paneka ngombarragi kasokan monggu para rabu sadaja.

Posting Komentar

Lebih baru Lebih lama