Basa Madura Paggun ta’ Gellem Ranta


Saestona pon lesso se tor-matora. Napa pole pas kodu mator masala basa Madura paneka. Dhalem bab se gun-paggun bai. Saestona abasa Madura, noles tolesan (basa Madura) paneka manabi lopot, ta’ kera kose mate, ta’ kera maso’ naraka keya. badan kaula jugan banne front paleng ngadha’ dhalem abillai basa Madura, napa pole dhalem noles abasa Madura, neka ta’ sabban tolesan se emuat e media neka olle pesse. Sakeng polana lebur! Hahaha.

Pan-saponapan oreng paggun adhabu, manabi noles basa Madura neka, kodu badha tandhana se ekoca’ diakritik, diakritik paneka tandha baca se badha e horof vocal aleas monye, akadiya e tor è â é, manabi o sareng u, jugan I pon ta’ atokaran. Pon ngala’ badhana  jugan ḍ (aneka d titi’ baba) aneka kodu badha. Poko’ sampeyan sanggup sabban are noles kadipane samangken eatore. Dinggal kaula ngala’a se gampangan. Noles basa Madura soro berri’ harkat (tandha diakritik) sopaja gampang bacaanna, tape mon tolesan laen, maske gundul paggun ebaca. Eparathat!
Basa inggris (se ka’dhimma bannya’ oreng ngoca’ ja’ antara bacaan, tolesan tor artena neka laen) neka badha carana maca, badha carana noles, tape eajari sampe’ atang-bali’tang, majar, tor sampe’ sake’ tabu’, saestona basa inggris se apanduman/akaca ka oxfort neka badha cara macana. Akadiya I (ai: kaula). Manabi tolesan water, aneka ebaca wote, se artena aeng.

Oreng se maca’a basa Madura lako nyoro noles kalaban ejaan se badha tandhana, malle gampang ebaca, tape ba’ dibi’na noles kalaban basa laen. Sanajjan gapaneka, dhalem re-sare, sabban are kaula manggi’i ja’ noles basa Madura neka gi’ bannya’ se sarombanan. Noles jugan, aneka etoles kalaban “cuken” padahal pon gampang “JUGAN” badha se ta’ neng dhidha’ sopaja etoles kalaban “JHUGHÂN”. Eberri’ se gampang menta se sara, malle ekoca’ abillagi basa Madura. noles se sobung harkadda, tadha’ tandha diakritigga bai asala’an, sajan menta se badha tandhana. Ma’ asare kalakoan. Bila ta’ laten, dhateng caremmedda pas menta noles carakan. Guste alla pareng. Enja’ dhu arapa’a.

Basa Madura sabban arena neka etoles kalaban basa sarombanan. Banne coma jugan se etoles kalaban cuken. Bannya’. saba, etoles sabe, jugan akadiya bajengnge se etoles kalaban bejengi. Badha atanya, baceng, bajang (wayang), bajang (shalat), bajeng, pas etoles apapadha bajeng kakabbi. Enggi empon salbut pas. Bajang ban bajang kadinapa caranapa abida’agi, enggi ngabas kalemadda. Oreng Madura badha se ngoca’ asombajang, neka tandhana abajang, ngadhep ka Pangeran, Guste Allah, manabi nenggu bajang neka artena ngabas, nenggu tetenngu enggi paneka tatenggun bajang. Oreng Madura ta’ ngarte ka basa dibi’. Dhuch Guste. Apora’alla.

Mon polana enggi na, sala noles basa Madura, neka ta’ kera maso’ naraka, ta’ kera eokom, ta’ kera eseksa ekobur, enggi jarengan pas manabi sala noles neka nandha’agi ta’ oneng abasa. Aneka buru adungngeng bab/masala nolessa, banne agabay kalemat se ka’dhimma kadhang se koduna ngangguy aneka, eberri’ neko, se koduna eberri’ neko, eberri’ neka. Namong se paleng bingkeng neka pajat en-laen sabban kabupaten. Dinggal budhi are, badan kaula gi’ nalektegi secara seksama, namong samangken tolesan se bannya’ gi’ dhari katemor-kadhajana. 

Pola laggu’-sadhumalem bakal bannya’, ngombar tolesan basa Madura dhari sadaja Madura, ta’ cokba jugan dhari Madura tapal kuda, menangka taretan apolong basa, namong bida polo.

Pon lesso se tor-matora. Napa pole dhalem kabadha’an jan-ojanan. Padam(u) lampu. Odhi’ mate. Mate odhi’. Aoba kabbi tengkana manossa ecapo’ lampu padaman. Dina sakone’ bain. Se penting pon sampeyan noro’ lesso keya se tor-matora, se ngedingngagiya tor maca’a tolesan paneka sopaja ta’ lanjang gallu’. Dina AMBU.

Posting Komentar

Lebih baru Lebih lama