Du'a Esaba' dhalem Nyamana


"Apalah arti sebuah Nama" ca'na se ca'-oca'an basa Indonesia, namong mon tadha' nyamana, oreng ta' bisa eolok. Daddina enyamae. asma, paneka agandhu' arte, reng Madura sampe' nyebbut ja' nyama paneka agandhu' pandu'a, mangkana manabi aparenga nyama dha' na' poto se buru babbar/lahir paneka sampe' etapae, etangnge'e otaba nyabis dha' keyae, bannya' oreng acabis ka Keyae nyo'on nyama, sabab tako' alopodan, akadiya nyama-nyama se esebbuddagi dhalem carpan "John Sebastian Misbach" dhalem Buku Lanceng Talpos (N Shalihin Dhamiri). 

Badhana nyama John Sebastian Misbach daddi gella', asabab nyamana ce' moderna tor ta' Madura sakale, biasana nyama Madura neka akadiya Jumadin, tasambungnga oca'/nyama are Jumaat sareng addin se agandhu' ma'na agama, saenggana ama'na Arena Agama kalaban pangarep daddi oreng se nyeppowe agama. Asabab Juma'at paneka aropa'agi Sayyidul Ayyam. Salaen nyama Jumadin jugan badha nyama-nyama se kalonta dhalem re-saarena.

Dhalem careta paneka, NSD (Bin) jugan maemot manabi namba'ana nyama neka kodhu salameddi, dungngenga, bakal badha salameddan neka daddi  gella', tor keyaena jugan sem-mesem balibis (asabab bakal badha jang-onjangan, namong epasamar, tor bakal olle berkat) (Hal. 74)

Dhalem carpan "Osom Cabbi", Bin matakerjat para maos kalaban caretana oreng mate'e oreng. Bangalan. Tatak pajat ta' bisa emongkere dhari oreng Madura, bila pon caremmet, napa pole pon ta' pate parcaja ka aparat bangsa, daddina pon erabas dibi'. Namong palang ta' ekenneng pellang, ta' bisa elanglang pole sabab oreng se epate'e teppa' ka na'-potona dibi'. Antara kasta, kaceba ban ta' nalektegi gallu sapa se biasa ngone'e cabbina tengga malem aoleng dhalem pekkeranna. Atangnge samalem nyendhemme maleng, gi' laggu ta' ngeddha tedhung asabab badha kabar, na' potona badha mate'e. (Hal 56)

Jugan dungngeng Bab masala oreng Madura se jat entara ka mekka ban akeba careta kadinapa arassae odhi' e mekka sanajjan coma para' dhubulan o-tao aba'na posang. Edhina ca-kancana. Ta' tao dhimma bara' dhimma temor, abasa bariya keya, ta' pate ngarte ka basa Indonesia balekkadan, napa pole se onenga ka Basa (kunci) Inggris, jugan ta' ngarte kadinapa Abasa Arab, sanajjan sabban are abasa Arab ka Pangeran Se Agung (bakto dhalem bajang ban du'a).

Oreng madura neka pajat terro ka Mekka'a malolo. Acora' badha mahnet khusus monggu oreng Madura ja' aba'na kodu, kodu, ban kodu entar ka Mekka, kalaban cara napa bai alako, paggun terro entara ka mekka. Tadha' gunana sogi baragat namong ta' entar ka Mekka. Rogi raja, pas baremma bila dhapa' ka mekka, badhana mala posang. Napa korang salameddanna ebakto molae mangkad, bakto badha e mekka-madina tor jugan bakto bakal palemana. Ngereng bukka' dibi' careta epon "Posang E Mekka" (Hal. 36).

Carpan dhalem buku paneka badha 10 bigi, petto' carpan ampon ngombar e JPRM laenna buru badha e buku "Lanceng Talpos" paneka. 

Identitas Buku
Ombul          : Lanceng Talpos
Penerbit        : DivaPress
Pangarang    : N. Shalihin Dhamiri (BIN)
Taon             : 2020
Revier          : Mat Toyu
Tebel            : XII+94 Hlmn; 13 x 19 cm
ISBN           : 978-602-391-982-6

Posting Komentar

Lebih baru Lebih lama