Basa Madura e Media

Kantos samangken saestona ampon pendha badha media cetak tor elektronik (daring tor luring) se narema tolesan basa Madura, ekabidi Juni 2015, Radar Madura narema tor makaloar tolesan basa Madura aropa Resensi, Carpan, tor Sanja  paneka kantos mangken paggun kalampa sabban are ahad. Sapaneka jugan sareng Majala Jokotole (dhari balai bahasa jaba temor) se ngombar sabban ennem bulan sakalean, enggi paneka terbi e bulan Januari sareng Juli. Sataon dhukale. 

Badha jugan majala Pakem Maddu (dhari Pamekasan) se ngombar dhukale dhalemmanna sataon. Jugan badha website (blogspot) Teja Pote se sadhaja essena etoles kalaban basa Madura. Ta loppa jugan badha Arsip Prosa Madura se mapolong careta pandha (Carpan), sarta Arsip Puisi Penyair Madura se jugan ngompollagi sanja dhalem websidda. Kalaban badhana paneka nandhaagi ja basa Madura paneka laggi ekaemba. Tak jokba jugan mela dhari paneka bannyana Radio se badha e Madura paneka laggi ebba apareng siaran kalaban agunaagi basa Madura. 

Media paneka tantona banne coma Koran, Majala, Radio badha jugan buku, ngombarra buku-buku basa Madura nandhaagi kabadhaan sastra Madura ekaleburi. Se epanggi badan kaula enggi paneka molae dhari Sagara Aeng Mata Ojan (Lukman Hakim Ag) se pajat ngombar e taon 2008 se eterbittagi Balai Bahasa Surabaya sareng sadhaja eterbittagi BBS tor buku-buku basa Madura laenna se pon akalar-kalaran, hal paneka bisa etenggu e taneyan fb-na arsip, enggi e arsip prosa otaba arsip puisi enggi same. Sanaossa akadiya paneka, buku-buku basa Madura aneka ta duli paju (duch neserra). Namong kalaban bannyana buku basa Madura nandhaagi pangalebur monggu basa tor sastra Madura paneka nyenna, lebba'. 

Kalaban badhana media-media se istiqomah makaloar tolesan basa Madura, paneka sajan aberri panggung sopaja sajan bannya tolesan se kalaor dhari sadhaja pekkeranna bangsa Madura.
Sabban tanggal 21 Februari (2021), aropaagi are basa ebu internasional. Dhalem tolesan, paneka badha ejaan. Akadiya basa Indonesia, neka badha atoran basana, badha atoran tolesanna. 

Dhu sapa se ta' terro nolesa kalaban sakarebba dibi. Kaula yakin ka sampean manabi manggii tolesan basa arab, se menorot panggalian para ajunan sadhaja neka, sala, paggun rerengen, karana aromasa ja tolesan paneka ta teppa. Misal noles Nun. Biasana epagentang pas etoles epamangkorong. Kaula yaqin ja bakal ta rida. Kaula banne kose ta rida basa Madura esarombannagi. Minimal ngargai dha oreng se noles basa Madura, ja basa Madura neka jugan badha nahwu-sharrobba. Minimal ngagali. Sanajjan ta nolesa kalaban se teppa. Mesal paggun noles kalaban sanyamanna, saromasana sampeyan tor para ajunan sadhaja. Karana samangken ampon bannya media akadia fesbuk, linkedin (din ganeka banne amana agama gi, kedhi esanggu agama, banne padha tako alopodan banne napa), twitter tor laenna. Napa pole ampon bannya se oneng tor bisa agabay webset. Saenggana bisa ebaca oreng dhari man-dhimman.

Samangken basa Madura jugan ampon kembali digalakkan sopaja eajarragi molae dhari SD/MI kantos SMA/Aliyah. Manabi ta kalero ampon bannya kampus-kampus se mabadha mata kuliah basa Madura. Artena banne sakadhar daddi mulok (muatan lokal). Taon 2019 (manabi ta kalero) pak presiden adhabu ja basa daerah aneka elang sabban lema menit. Satu kata basa daerah elang sabban lema menit. Otama epon basa daerah Indonesia bagian temor. Molae jaba temor, bali, Lombok, Sulawesi kantos papua, basa daerana elang gan saoca. Mesal. Ngakan. Otaba oca se rang-rang eangguy otaba egunaagi dhalem re-saarena. Alomampa. Pa-sarpa tor laen samacemma. sanajjan badha kamos, bila ampon rang-rang otaba jarang egunaagi aneka bakal asing. Bakal loppaen. Tor badhana basa-basa se anyar aneka bakal agantee basa se elang.

Karana basa neka tandha komunikasi yang disepakati bersama. Mesal epon akadhiya ok thax. Se artena enggi mator sakalangkong. Bisa egante ok thax, otaba ok tx. Otaba slowrep aneka ekala dhari slow respon. Napa artena slow respon (respon yang lamban), aneka settong are, kaadhana bakal daddi basa Madura, anapa polana, karana reng-oreng padha biasa agunaagi tor padha paham ja mon abana dhalem kabadhaan kaso emo, ta bisa cepet arespon Whatsapp neka bakal apareng kalaban oca “sapra slowrep”. Dhari sakeng kasona, bannya basa se bakal tamba esingkat. Akadiya slow rep ganeka. 

Jugan dhalem asan-basan e songennep paneka, badha kawasan se katon ta biasa ngoca kalaban tello suku kata, akadiya salebbar, daddi lebbar. Kalembang, daddi lembang, marsebel daddi sebel. Tor laen samacemma. mesal atanya lebat dhimma.
Badha se ngoca “Lebada dhimma?” Badha se ngoca “Bad dhimma?” tor conto se laenna. Kengeng rassaagi dibi pon. 



Mat Toyu

Posting Komentar

Lebih baru Lebih lama